CSK vs RCB: 'அம்பத்தி ராயுடு இடத்தில்'...இளம் பௌலருக்கு வாய்ப்பு? தோனியின் மெகா ஸ்கெட்ச்..உத்தேச XI இதுதான்!

ஐபிஎல் 16ஆவது சீசன் 24ஆவது லீக் போட்டியில் சென்னை சூப்பர் கிங்ஸ், ராயல் சேலஞ்சர்ஸ் பெங்களூர் ஆகிய அணிகள் சின்னச்சாமி ஸ்டேடியத்தில் இன்று மோதவுள்ளன.

ஐபிஎல் 16ஆவது சீசனில் சென்னை சூப்பர் கிங்ஸ் அணி 4 போட்டிகளில் 2 வெற்றிகளை பெற்று 6ஆவது இடத்தில் இருக்கிறது. ஆர்சிபியும் இதேபோல்தான் 4 புள்ளிகளுடன் இருக்கிறது. இருப்பினும், நெட் ரன்ரேட்டில் சிஎஸ்கேவை விட குறைவாக இருப்பதால், 7ஆவது இடத்தில் ஆர்சிபி இருக்கிறது.

சிஎஸ்கே:

சென்னை சூப்பர் கிங்ஸ் அணியில் சுழற்பந்துவீச்சு துறை மிகச்சிறப்பாக இருக்கிறது. குறிப்பாக ஸ்பின்னர்கள் ரவீந்திர ஜடேஜா, மொயின் அலி, மகீஷ் தீக்ஷனா, சாண்ட்னர் ஆகிய தரமான ஸ்பின்னர்கள் மிடில் ஓவர்களில் ரன்களை கட்டுப்படுத்தி வருகிறார்கள்.

அதேபோல், ஓபனர்கள் ருதுராஜ் கெய்க்வாட் மற்றும் டிவோன் கான்வே இருவரும் தொடர்ந்து அதிரடி காட்டுகின்றனர். மேலும், எதிர்பார்க்காத ட்விஸ்டாக அஜிங்கிய ரஹானேவும் காட்டடி அடிப்பது சிஎஸ்கேவின் பலத்தை கூட்டுகிறது. இருப்பினும், வேகப்பந்து வீச்சாளர்கள்தான் பெரிய பிரச்சினையாக இருக்கிறார்கள்.

ஆகையால், கூடுதலாக ஒரு வேகப்பந்து வீச்சாளருடன் களமிறங்க வேண்டிய கட்டாயத்தில் சிஎஸ்கே இருக்கிறது. ஆகையால், சிஎஸ்கே முதலில் பேட்டிங் செய்தால் அம்பத்தி ராயுடுவை களமிறக்கும், இரண்டாவது பேட்டிங் செய்தால், முதல் இன்னிங்ஸில் இளம் வேகப்பந்து வீச்சாளர் ஆகாஷ் சிங்கையும் களமிறக்கும் என எதிர்பார்க்கப்படுகிறது. இம்பாக்ட் பிளேயர் விதிமுறையை பன்பற்றி இதனை தோனி செய்வார் என எதிர்பார்க்கப்படுகிறது.

மேலும் மதீஷ் பதிரனா, டுவைன் பிரிடோரியஸ் ஆகிய இருவரில் ஒருவர் களமிறக்கப்படுவார் எனக் கருதப்படுகிறது.

சிஎஸ்கே உத்தேச லெவன் அணி: ருதுராஜ் கெய்க்வாட், டிவோன் கின்வே, அஜிங்கிய ரஹானே, மொயின் அலி, அம்பத்தி ராயுடு / ஆகாஷ் சிங், ஷிவம் துபே, ரவீந்திர ஜடேஜா, மகேந்திரசிங் தோனி, டுவைன் பிரிடோரியஸ் / மதீஷ் பதிரனா, மகீஷ் தீக்‌ஷனா, துஷர் தேஷ்பண்டே.