CSK vs KKR: 'யார் தருவார் இந்த அரியாசனம்'...முதலிடத்தில் சிஎஸ்கே: கொல்கத்தா அணி படுதோல்வி!

ஐபிஎல் 16ஆவது சீசன் 33ஆவது லீக் போட்டியில் சென்னை சூப்பர் கிங்ஸ், கொல்கத்தா நைட் ரைடர்ஸ் ஆகிய அணிகள் மோதின. கொல்கத்தாவில் துவங்கி நடைபெற்று வரும் இப்போட்டியில் டாஸ் வென்ற கொல்கத்தா அணி முதலில் பந்துவீச்சைத் தேர்வு செய்தது.

சிஎஸ்கே பேட்டிங்:

கொல்கத்தா பிட்ச் பேட்டர்களுக்கு சாதகமாக இருக்கும் எனக் கணிக்கப்பட்டிருந்தது. இறுதியில் அதேபோல்தான் நடந்தது. ஓபனர்கள் ருதுராஜ் கெய்க்வாட் 35 (20), டிவோன் கான்வே 56 (40) ஆகியோர் அதிரடியாக விளையாடி ரன்களை குவித்தனர்.

இதனைத் தொடர்ந்து ஷிவம் துபே 20 பந்துகளில் அரை சதம் கடந்து ஆட்டமிழந்தார். இறுதிவரை களத்தில் இருந்த அஜிங்கிய ரஹானே 29 பந்துகளில் 6 பவுண்டரி, 5 சிக்ஸர்கள் உட்பட 71 ரன்களை குவித்து கடைசிவரை களத்தில் இருந்தார். ரவீந்திர ஜடேஜா தனது பங்கிற்கு 8 பந்துகளில் 18 ரன்களை சேர்த்த நிலையில், தோனி கடைசி இரண்டு பந்துகளில் 3 ரன்களை சேர்த்தார்.

இதனால், சென்னை சூப்பர் கிங்ஸ் அணி 235/4 ரன்களை குவித்து, இந்த சீசனின் அதிகபட்ச ஸ்கோரை பதிவு செய்தது.

கொல்கத்தா இன்னிங்ஸ்:

இலக்கை துரத்திக் களமிறங்கிய கொல்கத்தா அணியில் ஜேசன் ராய் 61 (26), ரிங்கு சிங் 53 (30), வெங்கடேஷ் ஐயர் 20 (20), நிதிஷ் ராணா 27 (20) ஆகியோர் மட்டும்தான் சிறப்பாக விளையாடினார்கள். ரஸல் 9 (6), நரைன் 0 (3) போன்ற அதிரடி வீரர்கள் பெரிய தாக்கத்தை ஏற்படுத்தவில்லை. இதனால், கொல்கத்தா அணி 20 ஓவர்கள் முடிவில் 186/8 ரன்களை மட்டும் சேர்த்து, 49 ரன்கள் வித்தியாசத்தில் தோற்றது.

சிஎஸ்கே 7 போட்டிகளில் 5 வெற்றிகளுடன் முதலிடத்தை பிடித்துள்ளது.