PBKS vs LSG: 'இரக்கமில்லயா உனக்கு?'...மரண அடி அடித்த லக்னோ: வரலாற்று சாதனை...மெகா ரன் குவிப்பு!

ஐபிஎல் 16ஆவது சீசன் 38ஆவது லீக் போட்டியில் லக்னோ சூப்பர் ஜெய்ண்ட்ஸ், பஞ்சாப் கிங்ஸ் ஆகிய அணிகள் மோதி வருகின்றன. இப்போட்டியில் டாஸ் வென்ற பஞ்சாப் அணி முதலில் பந்துவீச்சைத் தேர்வு செய்தது.

லக்னோ இன்னிங்ஸ்:

முதலில் களமிறங்கிய லக்னோ சூப்பர் ஜெய்ண்ட்ஸ் அணியில் ஓபனர் கே.எல்.ராகுல் நிதானமாக விளையாடிய நிலையில், மற்றொரு ஓபனர் கைல் மேய்ர்ஸ் தொடர்ந்து காட்டடி அடித்து ரன்களை குவிக்க ஆரம்பித்தார்.

இந்நிலையில், ராகுல் 12 (9) ரன்களை மட்டும் சேர்த்து, ரபாடா பந்துவீச்சில் ஆட்டமிழந்தார். இருப்பினும், மறுபக்கம் மேய்ர்ஸ் அர்ஷ்தீப், குர்னோர் பார், சிக்கந்தர் ராசா ஆகியோரது ஓவர்களில் தொடர்ந்து பவுண்டரி, சிக்ஸர்களை விளாசினார். இதனைத் தொடர்ந்து பவர் பிளேவின் கடைசி ஓவரில் ரபாடாவை அதிரடியாக எதிர்கொண்டு சிக்ஸர், பவுண்டர்களை பறக்கவிட்டு, 20 பந்துகளில் அரை சதம் கடந்து அசத்தினார்.

இந்நிலையில், அதே ஓவரில் 5.5 பந்தில் மேய்ர்ஸ் 54 (24) ஆட்டமிழந்து நடையைக் கட்டினார். இறுதியில் லக்னோ அணி 6 ஓவர்கள் முடிவில் 74/2 ரன்களை குவித்து அசத்தியது.

அதிரடி சரவெடி:

இதனைத் தொடர்ந்து கைல் மேய்ர்ஸுக்கு டப் கொடுக்கும் வகையில் ஆயுஷ் படேனி 43 (24), மார்க்கஸ் ஸ்டாய்னிஸ் 72 (40), நிகோலஸ் பூரன் 45 (19) ஆகியோர் அடுத்தடுத்து அதிரடியாக விளையாடி ரன்களை குவித்தனர். இதனால், லக்னோ அணி 20 ஓவர்கள் முடிவில் 257/5 ரன்களை குவித்து பிரமிக்க வைத்தது.

ஐபிஎலில் ஒரு அணி இரண்டாவது முறையாக 250+ ரன்களை கடந்துள்ளது என்பது குறிப்பிடத்தக்கது.