GT vs RR: 'அஸ்வினை'...நம்ப வைத்து ஏமாற்றிய ரஷித் கான்: தரமான சம்பவம்..ராஜஸ்தான் அணி 71/9!

ஐபிஎல் 16ஆவது சீசன் 48ஆவது லீக் போட்டியில் ராஜஸ்தான் ராயல்ஸ், குஜராத் டைடன்ஸ் ஆகிய அணிகள் மோதி வருகின்றன. இப்போட்டியில் டாஸ் வென்ற ராஜஸ்தான் அணி முதலில் பேட்டிங்கை தேர்வு செய்தது.

ராஜஸ்தான் இன்னிங்ஸ்:

முதலில் களமிறங்கிய ராஜஸ்தான் அணியில் ஓபனர் பட்லர் 8 (6) படுமோசமாக சொதப்பி ஆட்டமிழந்தார். இதனைத் தொடர்ந்து, யாஷஸ்வி ஜெய்ஷ்வால், கேப்டன் சஞ்சு சாம்சன் அதிரடியாக விளையாட ஆரம்பித்தார்கள்.

இதனால், ராஜஸ்தான் அணி 5 ஓவர்களில் 47/1 ரன்களை குவித்தது. இனைத் தொடர்ந்து ஜெய்ஷ்வால் 14 (11) ரன்அவுட்டாக சாம்சன் 30 (20) ரன்களை எடுத்து நடையைக் கட்டினார்.

அடுத்து படிக்கல் 12 (12) விக்கெட்டை நூர் முகமது போல்ட் மூலம் எடுத்தப் பிறகு ரவிச்சந்திரன் அஸ்வின் களத்திற்குள் வந்தார். அப்போது ரஷித் கான் அஸ்வினுக்கு தொடர்ந்து கூகுளி பந்துகளை வீசினார். இதனால், அஸ்வின் கூகுளியை ஆட முற்பட்டபோது, ரஷித் கான் லக் பிரேக் பந்தை வீசி அஸ்வினை 2 (6) போல்ட் ஆக்கினார். இதனைத் தொடர்ந்து ஹெட்மையர் 7 (13), ரியான் பராக் 4 (6) ஆகியோரது விக்கெட்களையும் ரஷித் கான் எடுத்துக் கொடுத்தார்.

இறுதியில் ட்ரெண்ட் போல்ட் 15 (11) மட்டும்தான் இரட்டை இலக்க ரன்களை அடித்தார். மற்றவர்கள் சொதப்பியதால், ராஜஸ்தான் அணி 17.5 ஓவர்களில் 118/10 ரன்களை மட்டும் சேர்த்து, ஆட்டமிழந்தது.

முதல் 5 ஓவர்களில் 47/1 ரன்களை அடித்த ராஜஸ்தான் அணி, அடுத்த 12.5 ஓவர்களில் 71/9 ரன்களை மட்டும்தான் சேர்த்தது என்பது குறிப்பிடத்தக்கது.