GT vs LSG: 'எங்க ஆம்ஸ பிரஸ் பண்ணுங்க சார்'...கைய கொடுத்து மாட்டிக் கொண்ட 'லக்' னோ: குஜராத் காட்டடி!

ஐபிஎல் 16ஆவது சீசன் 51ஆவது லீக் போட்டியில் குஜராத் டைடன்ஸ், லக்னோ சூப்பர் ஜெய்ண்ட்ஸ் ஆகிய அணிகள் மோதி வருகின்றன. அகமதாபாத்தில் துவங்கி நடைபெற்று வரும் இப்போட்டியில் டாஸ் வென்ற லக்னோ அணி முதலில் பந்துவீச்சைத் தேர்வு செய்தது.

குஜராத் இன்னிங்ஸ்:

இப்போட்டியில் முதலில் களமிறங்கிய குஜராத் டைடன்ஸ் அணியில் ஓபனர்கள் விருத்திமான் சாஹா, ஷுப்மன் கில் இருவரும் தொடர்ந்து காட்டடி அடித்து ரன்களை குவிக்க ஆரம்பித்தார்கள். இவர்களது அதிரடியை சமாளிக்க குஜராத் டைடன்ஸ் அணிக் கேப்டன் க்ருனால் பாண்டியா, மொத்தம் 8 பௌலர்களை பயன்படுத்தினார். இந்த சீசனில் லக்னோ அணி இப்படிதான் தொடர்ந்து 8-9 பௌலர்களை ஒரு போட்டியில் பந்துவீச வைத்து வருகின்றனர்.

அதாவது, எங்களது அணியில் பந்துவீச்சு துறை அவ்வளவு பலமாக இருக்கிறது என்பதை வெளிகாட்டத்தான் இப்படி 8-9 பௌலர்களை பயன்படுத்தி வருகிறார்கள். ஆனால், குஜராத் அணி ஓபனர்கள் விருத்திமான் சாஹா, ஷுப்மன் கில் ஆகியோர் இதற்கு பயப்படவில்லை. தொடர்ந்து காட்டடி அடித்து அசத்தினார்கள்.

விருத்திமான் சாஹா 43 பந்துகளில் 10 பவுண்டரி, 4 சிக்ஸர்கள் உட்பட 81 ரன்களும், ஷுப்மன் கில் 51 பந்துகளில் 2 பவுண்டரி, 7 சிக்ஸர்கள் உட்பட 94 ரன்களையும் குவித்து பிரமிக்க வைத்தார்கள். இறுதியில் ஹார்திக் பாண்டியா 25 (15), டேவிட் மில்லர் 21 (12) ஆகியோரும் அதரடி காட்டினார்கள். இதனால், குஜராத் அணி 20 ஓவர்கள் முடிவில் 227/2 ரன்களை குவித்து அசத்தியது.