IPL 2023 Playoff: '3ஆவது இடத்தை பிடிக்க'...3 அணிகளுக்கு இடையில் போட்டி: விறுவிறுப்பு கட்டத்தில் பிளே ஆப் ரேஸ்!

ஐபிஎல் 16ஆவது சீசன் தற்போது விறுவிறுப்பு கட்டத்தை எட்டியுள்ளது.

அனைத்து போட்டிகளிலும் ட்விஸ்ட்களுக்கு பஞ்சமில்லாமல் நடைபெற்று வருகிறது. இந்த 16ஆவது சீசனில் நடப்பு சாம்பியன் குஜராத் டைடன்ஸ் அணி தொடர்ந்து அதரிடி காட்டி 11 போட்டிகளில் 8 வெற்றிகளை பெற்று, அசைக்க முடியாத முதலிடத்தில் நீடித்து வருகிறது.

2,3ஆவது இடங்கள்:

இதனைத் தொடர்ந்து இரண்டு, மூன்றாவது இடங்களில் சென்னை சூப்பர் கிங்ஸ், லக்னோ சூப்பர் ஜெய்ண்ட்ஸ் ஆகிய அணிகள் உள்ளன. இந்த இரு அணிகள் மோதிய போட்டி, மழையால் ரத்தானதால் தலா ஒரு புள்ளி வழங்கப்பட்டது. ஆகையால், சிஎஸ்கே 11 போட்டிகளில் 13 புள்ளிகளுடன் 2ஆவது இடத்திலும், லக்னோ அணி 11 போட்டிகளில் 13 புள்ளிகளுடன் இருக்கிறது.

அடுத்த 5 இடங்கள்:

அடுத்து ராஜஸ்தான், கொல்கத்தா, ஆர்சிபி, பஞ்சாப், மும்பை ஆகிய அணிகள் 10 புள்ளிகளுடன் 4, 5, 6, 7, 8 ஆகிய இடங்களில் உள்ளன. இதில், ஆர்சிபி மற்றும் மும்பை ஆகிய அணிகள் மட்டும்தான் 10 போட்டிகளில் விளையாடிய அணிகளாக இருக்கிறது. மற்ற அணிகள் 11 போட்டிகளில் விளையாடிவிட்டன.

3ஆவது இடத்திற்கு முன்னேற வாய்ப்பு:

இந்நிலையில், இன்று மும்பை இந்தியன்ஸ் மற்றும் ஆர்சிபி ஆகிய அணிகள் மோதவுள்ளன. இப்போட்டியில் வெற்றிபெறும் அணி 11 போட்டிகளில் 12 புள்ளிகளை பெற்றுவிடும். இதனால், இன்று வெற்றிபெறும் அணி புள்ளிப் பட்டியலில் 3ஆவது இடத்தில் இருக்கும் லக்னோ அணியை பின்னுக்கு தள்ளி அந்த இடத்தை சொந்தமாக்கிக் கொள்ளும்.

ஒருவேளை, இன்றைய போட்டி மழை காரணமாக ரத்தாகும் பட்சத்தில் லக்னோ அணியே தொடர்ந்து 3ஆவது இடத்தில் நீடிக்கும். ஆகையால், இன்றைய போட்டி மிகுந்த எதிர்பார்ப்பை ஏற்படுத்தியுள்ளது.

கடைசி 2 இடங்கள்:

கடைசி இரண்டு இடங்களில் சன் ரைசர்ஸ் ஹைதராபாத், டெல்லி கேபிடல்ஸ் ஆகிய அணிகள் 10 போட்டிகளில் 4 வெற்றிகளுடன் இருக்கிறது. இந்த அணிகள் அடுத்த 4 போட்டிகளிலும் வெற்றிபெற வேண்டிய கட்டாயத்தில் இருக்கிறது. ஒருபோட்டியில் தோற்றாலும், பிளே ஆப் வாய்ப்பு இருக்காது என்பது குறிப்பிடத்தக்கது.