LSG vs KKR: 'கொல்கத்தா அணி இத்தனை ரன் அடிக்கலைனா'...சிஎஸ்கே 2ஆவது இடத்தை இலக்கும்: விபரம் இதோ!

ஐபிஎல் 16ஆவது சீசன் 68ஆவது லீக் போட்டியில் கொல்கத்தா நைட் ரைடர்ஸ், லக்னோ சூப்பர் ஜெய்ண்ட்ஸ் ஆகிய அணிகள் மோதி வருகின்றன. இப்போட்டியில் டாஸ் வென்ற கொல்கத்தா அணி முதலில் பந்துவீச்சைத் தேர்வு செய்தது.

லக்னோ இன்னிங்ஸ்:

முதலில் களமிறங்கிய லக்னோ சூப்பர் ஜெய்ண்ட்ஸ் அணியில் ஓபனர் குவின்டன் டி காக் 28 (27), மன்கட் 26 (20) ஆகியோர் ஓரளவுக்கு சிறப்பாக செயல்பட்டனர். மார்க்கஸ் ஸ்டாய்னிஸ் 0 (2), கரண் ஷர்மா 3 (5) போன்றவர்கள் அதிரடி காட்டவில்லை.

இறுதிக் கட்டத்தில் ஆயுஸ் படோனி 25 (21), நிகோலஸ் பூரன் 58 (30) ஆகியோர் அதிரடி காட்டியதால், லக்னோ அணி 20 ஓவர்கள் முடிவில் 176/8 ரன்களை குவித்தது.

இத்தனை ரன் அடிக்கணும்:

இதனைத் தொடர்ந்து கொல்கத்தா அணி பேட்டிங் செய்ய உள்ளது. இந்த அணி 80 ரன்களை அடித்துவிட்டாலே சிஎஸ்கே 2ஆவது இடத்தை உறுதிசெய்துவிடும் என்பது குறிப்பிடத்தக்கது.