CSK: 'இந்திய அணிக்கு வந்ததும்'...நீங்க உங்க வேலைய காட்டிட்டீங்களே ரஹானே: அதிருப்தியில் சிஎஸ்கே ரசிகர்கள்!

இந்திய டெஸ்ட் அணியில் ரெகுலராக இடம்பிடித்து வந்த அஜிங்கிய ரஹானே, கடந்த இரண்டு வருடங்களாக சிறப்பாக செயல்படவில்லை.

இதனால், இந்திய டெஸ்ட் அணியில் இருந்து அஜிங்கிய ரஹானே ஓரங்கட்டப்பட்டார். மேலும், ஐபிஎலிலும் ரஹானேவுக்கான மவுசு குறைந்தது. இந்நிலையில், கடந்த வருடம் உள்நாட்டு கிரிக்கெட் தொடரில் பங்கேற்ற ரஹானே தொடர்ந்து அதிரடியாக விளையாடி அசத்த ஆரம்பித்தார்.

ரஹானே அதிரடி:

இப்படி உள்நாட்டு கிரிக்கெட்டில் அதிரடி காட்டிய ரஹானேவை, சிஎஸ்கே 50 லட்சத்திற்கு ஏலம் எடுத்தது. இதற்கு ரசிகர்கள் பலரும் அதிருப்தியை வெளிப்படுத்தி வந்தனர். போனமுறை புஜாரா, அப்போது ரஹானேவா? டெஸ்ட் வீரர்களை ஏன் வாங்குறீங்க என சிஎஸ்கே ரசிகர்கள் விமர்சனம் செய்து வந்தனர். இந்நிலையில், சிஎஸ்கேவில் இடம்பெற்ற அஜிங்கிய ரஹானே, கிடைத்த முதல் வாய்ப்பிலேயே அதிரடியாக விளையாடி ரன்குவிப்பில் ஈடுபட்டார்.

ரஹானே 2.0:

குறிப்பாக 29 பந்துகளில் 71 ரன்கள், 27 பந்துகளில் 61 ரன்கள்கள் என அதிரடி அவதாரம் எடுத்தார். இதனைத் தொடர்ந்து, உலக டெஸ்ட் சாம்பியன்ஷிப் 2023 பைனலிலுக்கான இந்திய அணியில் ரஹானேவின் பெயர் இடம்பெற்றது. ரஹானே ஐபிஎலில் அதிரடியாக செயல்பட்டதால்தான், மீண்டும் இந்திய அணிக்கு திரும்பியுள்ளார் என சிஎஸ்கே ரசிகர்கள் பெருமித்தோடு கூறி வந்தனர்.

படுமோசம்:

இந்நிலையில், இந்திய அணியில் இடம் கிடைத்த பிறகு, ரஹானே ஐபிஎலில் தொடர்ந்து படுமோசமாக சொதப்பி வருகிறார். இந்திய அணியில் சேர்க்கப்படுவதற்கு முன், 199 ஸ்ட்ரைக் ரேட்டில் சராசரியாக 52 ரன்களை குவித்து வந்த ரஹானே, அதன்பிறகு 114 ஸ்ட்ரைக் ரேட்டில் சராசரியாக 19 ரன்களை மட்டும்தான் சேர்த்து வருகிறார்.

இந்திய அணிக்கு திரும்பியதும் ரஹானே மீண்டும் சொதப்ப ஆரம்பித்துவிட்டார், வாய்ப்புக்காகதான் அவர் அதிரடியாக விளையாடினாரா என ரசிகர்கள் விமர்சித்து வருகிறார்கள்.