அப்போது முதலில் களமிறங்கிய சிஎஸ்கே அபாரமாக செயல்பட்டு 226/6 ரன்களை குவித்தது. இதனைத் தொடர்ந்து களமிறங்கிய ஆர்சிபிக்கு எதிராக வெளிநாட்டு பௌலர்கள் மகீஷ் தீக்ஷனா 41 ரன்களும், மதிஷா பதிரனா 42 ரன்களும், மொயின் அலி ஒரு ஓவரில் 13 ரன்களையும் விட்டுக்கொடுத்தனர். இதனால், அடுத்த போட்டிக்கான சிஎஸ்கே வெளிநாட்டு வீரர்கள் இடத்தில் மாற்றம் இருக்கும் எனக் கருதப்படுகிறது. அதுகுறித்து தற்போது பார்க்கலாம்
4.மிட்செல் சாண்ட்னர்:
இலங்கை ஸ்பின்னர் மகீஷ் தீக்ஷனா, ஆர்சிபி அணிக்கு எதிராக ஆட்டத்தில் சிறப்பாக பந்துவீசவில்லை. மேலும், இரண்டு லட்டு கேட்ச்களை கோட்டைவிட்டார். இப்போட்டி முடிந்தப் பிறகு தீக்ஷனா மீது தோனி அதிருப்தியை வெளிப்படுத்தியதாக தகவல் வெளியாகியுள்ளது. இதனால், மீண்டும் சாண்ட்னர் களமிறக்கப்பட வாய்ப்புள்ளது.
3.மதீஷா பதிரனா
மலிங்காவைப் போல பௌலிங் ஆக்ஷனை கொண்டிருக்கும் மதீஷா பதிரனா, ஆர்சிபிக்கு எதிராக முதல் 2 ஓவர்களில் 28 ரன்களை விட்டுக்கொடுத்து சொதப்பிய நிலையில், கடைசி 2 ஓவர்களில் 14 ரன்களை மட்டும்தான் விட்டுக்கொடுத்து, மேட்ச் வின்னராக இருந்தார். ஆகையால், இவரது இடத்திற்கும் பிரச்சினை இல்லை.
2.மொயின் அலி
மொயின் அலி கடைசி நேரத்தில் அபாரமாக பேட்டிங் செய்து வருகிறார். மேலும், பந்துவீச்சிலும் பார்ட் டைம் பௌலராக எதிர்பார்ப்பை பூர்த்தி செய்யும் அளவுக்கு செயல்பட்டு வருகிறார். இதனால், மொயின் அலியின் இடத்திற்கும் பிரச்சினை இருக்காது எனக் கருதப்படுகிறது.
1.டிவோன் கான்வே
சிஎஸ்கே ஓபனர் டிவோன் கான்வே, மிகச்சிறப்பாக செயல்பட்டு வருகிறார். 1, 47, 0, 50, 83 என சிறப்பான செயல்பாடுகளை வெளிப்படுத்தி அசத்தியிருக்கிறார். இதனால், இவரது இடத்திற்கு பிரச்சினை இல்லை.