CSK vs GT Final: 'மழையால் பாதிப்பு'...சிஎஸ்கே 5 ஓவர்களின் இத்தனை ரன் அடிக்கணும்: சுலபம்தான்...ரசிகர்கள் குஷி!

ஐபிஎல் 16ஆவது சீசனின் லீக் போட்டிகள், பிளே ஆப் போட்டிகள் அனைத்தும் முடிந்து, தற்போது இறுதிப் போட்டி மட்டும்தான் எஞ்சியிருக்கிறது.

இந்த இறுதிப் போட்டியில் நடப்பு சாம்பியன் குஜராத் டைடன்ஸும், 14 சீசன்களில் 12 முறை பிளே ஆப் சென்று, 10 முறை பைனலுக்கும் சென்ற சென்னை சூப்பர் கிங்ஸ் அணியும் மோதி வருகின்றன. இப்போட்டிக்கான டாஸை வென்ற சென்னை சூப்பர் கிங்ஸ் அணி முதலில் பந்துவீச்சைத் தேர்வு செய்துள்ளது.

குஜராத் இன்னிங்ஸ்:

பிட்ச் பேட்டர்களுக்கு சாதகமாக இருக்கும் எனக் கணிக்கப்பட்டிருந்தது. இந்நிலையில், முதல் இரண்டு ஓவர்களில் விருத்திமான் சாஹா, ஷுப்மன் கில் இருவரும் நிதானமாக விளையாடி, 8 ரன்களை மட்டும்தான் சேர்த்தனர். இதனைத் தொடர்ந்து அடுத்த ஓவரில், துஷர் தேஷ்பண்டே வேகத்தில் ஷுப்மன் கில் அடித்த கேட்சை தீபக் சஹார் பிடிக்கவில்லை. அவ்வளவுதான், இதனைத் தொடர்ந்து சாஹா, தீபக் சஹார் இருவரும் தொடர்ந்து காட்டடி அடித்து ரன்களை குவிக்க ஆரம்பித்தார்கள்.

தீபக் சஹார், தேஷ்பண்டே இருவருக்கும் எதிராக தொடர்ந்து ரன்கள் கசிய ஆரம்பித்தது. அப்போதும், சாஹா அடித்த கேட்சை பௌலர் தீபக் சஹார் தவறவிட்டார். மும்பை அணியும் இப்படிதான், குஜராத்துக்கு எதிராக பவர் பிளேவில் கேட்சை விட்டது. இதனால், குஜராத் அணி பவர் பிளேவில் ரன்களை குவித்தது. தற்போது, குஜராத் அணியும் அதே வாய்ப்பை பயன்படுத்தி பவர் பிளேவில் 62/0 ரன்களை குவித்தது.

தோனி அதிரடி:

இதனைத் தொடர்ந்து, அடுத்த வரை ஜடேஜா டைட்டாக வீசினார். இதனால், அந்த ஓவரின் முதல் 5 பந்துகளில் பவுண்டரி செல்லவில்லை. இதனைத் தொடர்ந்து, கடைசி பந்தில் ஷுப்மன் கில் இறங்கி ஆட முற்பட்டார். அப்போது, தோனி அபாரமாக செயல்பட்டு மின்னல் வேகத்தில் ஸ்டெம்பிங் செய்தார். இதனால், கில் 39 (20) நடையைக் கட்டினார். தொடர்ந்து, அடுத்த ஓவரிலும் தீக்‌ஷனா 5 ரன்களை மட்டும்தான் விட்டுக்கொடுத்தார். இதனால், குஜராத் அணி 8 ஓவர்கள் முடிவில் 72/1 ரன்களைதான் எடுத்தது.

சாஹா, சுதர்ஷன் அபாரம்:

இதனைத் தொடர்ந்து விருத்திமான் சாஹா 54 (39), சாய் சுதர்ஷன் 96 (47) இருவரும் அதிரடியாக விளையாடி ரன்களை குவித்தனர். இதனால், குஜராத் அணியின் ஸ்கோர் கிடுகிடுவென உயர ஆரம்பித்தது. அடுத்து ஹார்திக் பாண்டியாவும் 21 (12) ரன்களை சேர்த்ததால் , குஜராத் அணி 20 ஓவர்கள் முடிவில் 214/4 ரன்களை சேர்த்துள்ளது.

சிஎஸ்கே வெற்றிபெற:

சிஎஸ்கே தற்போது 3 பந்துகளில் 4 ரன்களை அடித்துள்ள நிலையில், மழையால் ஆட்டம் பாதிக்கப்பட்டுள்ளது.

ஒருவேளை ஓவர்கள் குறைப்படும் பட்சத்தில் சிஎஸ்கே எத்தனை ரன்களை அடிக்க வேண்டும் என்பது குறித்து தற்போது பார்க்கலாம்.

5 ஓவர்கள்: ஒருவேளை 5 ஓவர்கள் போட்டியாக நடைபெற்றால் சிஎஸ்கே அதில், 66 ரன்களை அடித்தாலே போதும்.

10 ஓவர்கள் ஆட்டம்: ஒருவேளை 10 ஓவர்கள் கொண்ட போட்டியாக நடைபெற்றால் சிஎஸ்கே 123 ரன்களை அடித்தாலே போதும்.

12 ஓவர்கள் ஆட்டம்: ஒருவேளை 12 ஓவர்கள் ஆட்டமாக நடைபெற்றால் 171 ரன்களை அடித்தாலே போதும். இது சிஎஸ்கேவுக்கு சாதகமாகத்தான் இருக்கிறது.

ஒருவேளை ஆட்டம் மொத்தமாக கைவிடப்பட்டால், லீக் சுற்றில் அதிக புள்ளிகளை பெற்றதன் அடிப்படையில், குஜராத் அணிக்குத்தான் கோப்பை வழங்கப்படும்.