LSG vs RR: 'தோனி, ரிங்கு சிங் மாதிரி'...விளையாடுவேனு சொல்லிட்டு: கேதர் ஜாதவ் போல் விளையாடிய ராஜஸ்தான் வீரர்!

ஐபிஎல் 16ஆவது சீசன் 26ஆவது லீக் போட்டியில் லக்னோ சூப்பர் ஜெய்ண்ட்ஸ், ராஜஸ்தான் ராயல்ஸ் ஆகிய அணிகள் மோதின. இப்போட்டியில் டாஸ் வென்ற ராஜஸ்தான் அணி முதலில் பந்துவீச்சைத் தேர்வு செய்தது.

லக்னோ இன்னிங்ஸ்:

முதலில் களமிறங்கிய லக்னோ சூப்பர் ஜெய்ண்ட்ஸ் அணியில் ஓபனர்கள் கே.எல்.ராகுல் 39 (32), கைல் மேய்ர்ஸ் 51 (42) ஆகியோர் நிதானமாக விளையாடி ரன்களை குவித்தனர். பிட்சில் எக்ஸ்ட்ரா பவுன்ஸ், சுழல் இருந்ததால், யாராலும் அதிரடி காட்ட முடியவில்லை.

இதனைத் தொடர்ந்து ஆயுஸ் படோனி 1 (4), தீபக் ஹூடா 2 (4) ஆகியோர் ஒற்றை இலக்க ரன்களுக்கு நடையைக் கட்ட, அடுத்த மார்க்கஸ் ஸ்டாய்னிஸ் 21 (16), நிகோலஸ் பூரன் 29 (20) ஆகியோர் ஓரளவுக்கு ரன்களை சேர்த்தார்கள். இதனால், லக்னோ அணி 20 ஓவர்கள் முடிவில் 154/7 ரன்களை குவித்து அசத்தியது.

ராஜஸ்தான் இன்னிங்ஸ்:

இலக்கை துரத்திக் களமிறங்கிய ராஜஸ்தான் அணியில் ஓபனர்கள் யாஷஸ்வி ஜெய்ஷ்வால் 44 (35), ஜாஸ் பட்லர் 40 (41) ஆகியோர் நிதானமாக விளையாடி ரன்களை சேர்த்தனர். இதனால், ராஜஸ்தான் அணி 11 ஓவர்களில் 80/0 ரன்களை குவித்து ஓரளவுக்கு நல்ல நிலையில்தான் இருந்தது.

அடுத்து ஓபனர்கள் இரண்டுபேரும் ஆட்டமிழந்தப் பிறகு சாம்சட் 2 (4), ஹெட்மையர் 2 (5) ஆகிய அதிரடி வீரர்களும் வந்த வேகத்தில் நடையைக் கட்டினார்கள். இறுதியில் தேவ்தத் படிக்கல் 26 (21), ரியான் பராக் 15 (12) பார்ட்னர்ஷிப் அமைத்து ஓரளவுக்கு ரன்களை சேர்த்தனர். இறுதியில் 6 பந்துகளில் 19 ரன்கள் தேவைப்பட்ட நிலையில், ராஜஸ்தான் அணியால் 8 ரன்கள் மட்டும்தான் எடுத்த முடியந்து. இதனால், ராஜஸ்தான் அணி 20 ஓவர்களில் 144/6 ரன்களை மட்டும் சேர்த்து, 10 ரன்கள் வித்தியாசத்தில் தோற்றது.

ரியான் பராக்:

இத்தொடர் துவங்குவதற்கு முன்பு பேட்டிகொடுத்திருந்த ரியான் பராக், ''நான் 16ஆவது சீசனில் தோனி போல பெஸ்ட் பினிஷராக செயல்பட விரும்புகிறேன்'' எனக் கூறியிருந்தார். இதனைத் தொடர்ந்து இத்தொடரில் ரிங்கு சிங் 5 பந்துகளில் 5 சிக்ஸர் அடித்தப் பிறகு ட்வீட் வெளியிட்ட ரியான் பராக், ''நானும் ஒரு ஓவரில் 4 சிக்ஸர்களை விளாசி வெற்றியைப் பெற்றுக் கொடுப்பேன் என எனது உள்ளுணர்வு சொல்கிறது'' என பதிவிட்டிருந்தார்.

ஆனால், இதுவரை 6 போட்டிகளிலும் அவர் மகாமட்டமாக, ஒரு போட்டியில்கூட 15 ரன்களை அடித்ததில்லை என்பது குறிப்பிடத்தக்கது.