RCB: 'வரலாறு படைத்தார் கோலி'...ஒரே நாளில் 4 முரட்டு ரெக்கார்ட்: ரோஹித் சாதனைக்கு ஆப்பு!

ஒரேநாளில் கோலி 4 மெகா சாதனைகளை படைத்துள்ளார்.

Authored byமதுரை சமயன் | Samayam Tamil 19 May 2023, 8:10 am

ஐபிஎல் 16ஆவது சீசன் 65ஆவது லீக் போட்டியில் ராயல் சேலஞ்சர்ஸ் பெங்களூர், சன் ரைசர்ஸ் ஹைதராபாத் ஆகிய அணிகள் மோதின.

ஹைதராபாத்தில் துவங்கி நடைபெற்ற இப்போட்டியில் டாஸ் வென்ற ஆர்சிபி அணி முதலில் பந்துவீச்சைத் தேர்வு செய்தது.

சன் ரைசர்ஸ் இன்னிங்ஸ்:

முதலில் களமிறங்கிய சன் ரைசர்ஸ் ஹைதராபாத் அணியில் ஹென்ட்ரி கிளாசின் 51 பந்துகளில் 6 சிக்ஸர்கள் உட்பட 104 ரன்களை குவித்து பிரமிக்க வைத்தார். ஹேரி ப்ரூக் 27 (19), ராகுல் திரிபாதி 15 (12) ஆகியோரும் ஓரளவுக்கு ரன்களை அடித்திருந்தார்கள். இதனால், சன் ரைசர்ஸ் அணி 20 ஓவர்கள் முடிவில் 186/5 ரன்களை குவித்து அசத்தியது.

ஆர்சிபி இன்னிங்ஸ்:

இலக்கை துரத்திக் களமிறங்கிய ஆர்சிபி அணியில் ஓபனர்கள் விராட் கோலி 100 (63), பாப் டூ பிளஸி 71 (47) இருவரும் தொடர்ந்து அதிரடியாக விளையாடியதால், ஆர்சிபி அணி 19.2 ஓவர்கள் முடிவில் 187/2 ரன்களை குவித்து, 8 விக்கெட்கள் வித்தியாசத்தில் வெற்றியைப் பெற்றது.

கோலி மெகா சாதனை:

இப்போட்டியில் விராட் கோலி சதம் அடித்ததன் மூலம் 4 மெகா சாதனைகளை படைத்துள்ளார். அதுகுறித்து தற்போது பார்க்கலாம்.

6 முறை 500 ரன்கள்:

இப்போட்டியில் கோலி சதம் அடித்ததன் மூலம், ஐபிஎலில் 6 முறை 500 ரன்களை கடந்த முதல் வீரர் என்ற மெகா சாதனையை படைத்துள்ளார். மேலும், டி20 கிரிக்கெட்டில் அதிக சதம் அடித்த வீரர்கள் பட்டியலில் 6 சதங்களுடன் முதலிடத்தில் இருந்த ரோஹித் ஷர்மாவின் சாதனையை தகர்த்து கோலி 7 சதங்களுடன் முதலிடத்தை பிடித்துள்ளார்.

அதேபோல், ஐபிஎலில் அதிக சதங்கள் அடித்தோர் பட்டியலிலும் கோலி முதலிடத்தில் இருக்கிறார். கெய்ல் 6 சதங்களுடன் இரண்டாவது இடத்தில் உள்ளார். மேலும், சேஸிங்கின்போது அதிக சதம் அடித்த இந்திய வீரராக கோலி திகழ்கிறார்.

RCB: 'வரலாறு படைத்தார் கோலி'...ஒரே நாளில் 4 முரட்டு ரெக்கார்ட்: ரோஹித் சாதனைக்கு ஆப்பு!

ஒரேநாளில் கோலி 4 மெகா சாதனைகளை படைத்துள்ளார்.

அடுத்த செய்தி