விமர்சனம்:
ஐபிஎலில், மும்பை இந்தியன்ஸ் அணி மீது மட்டும், காலம் காலமாக ஒரு விமர்சனம் இருக்கிறது. மும்பை இந்தியன்ஸ் அணியினர், நடுவர்களை விலைக்கு வாங்கிவிட்டார்கள் என நக்கலாக சிலர் கலாய்ப்பது வழக்கம்.
ஏற்றார்போல்:
அந்த விமர்சனத்திற்கு ஏற்றார்போல், நடுவர்களும் அவ்வபோது மும்பை இந்தியன்ஸுக்கு சாதகமாக நடந்துகொள்வதும் நடந்துகொண்டுதான் இருக்கிறது. சமீபத்தில், கூட அப்படியொரு சம்பவம் நடைபெற்றது.
ஆர்சிபிக்கு எதிராக:
ஆர்சிபிக்கு எதிரான ஆட்டத்தில் மும்பை இந்தியன்ஸ் அணி விளையாடியபோது, நடுவர்கள் இரண்டு முறை அப்பட்டமாக மும்பைக்கு ஆதரவாக செயல்பட்டனர். இதுதான் தற்போது பெரிய பிரச்சினையாக மாறி உள்ளது.
ரிவியூ இல்லாதபோது:
ஆர்சிபிக்கு எதிரான அந்த ஆட்டத்தில், ஒயிட் ரிவியூ எடுக்க மும்பையிடம் ரிவியூ இல்லாதபோதும், ஹர்திக் பாண்டியா அப்பீல் செய்த உடனே, நடுவர்கள் ரிவியூ சென்றனர். அடுத்து, தினேஷ் கார்த்திக், இடுப்புமேல் புல்டாஸ் பந்து சென்றும், அதற்கு நோபால் கொடுக்கவில்லை.
டாஸிலும்?
டாஸ் போடும்போது, மும்பை இந்தியன்ஸுக்கு ஆதரவாக மூன்றாவது நடுவர், டாஸ் காயினை திருப்பி எடுத்ததாகவும் சர்ச்சையான வீடியோ வைரலாகி வருகிறது. ஆனால், டாஸ் காயினை மும்பைக்கு சாதகமான வகையில் திருப்பாமல், அப்படியே காட்டியதாக வீடியோ வெளியாகி உள்ளது.
டூ பிளஸி:
இந்நிலையில், நேற்றைய ஆட்டத்தில் சன் ரைசர்ஸ் கேப்டன் பாட் கம்மின்ஸுடன் டாஸ் போட வந்த டூ பிளஸி, மும்பை இந்தியன்ஸுடன் டாஸ் போடும்போது, டாஸ் காயனை தூரமாக எறிந்து, மும்பைக்கு சாதகமாக, டாஸ் காயினை எடுத்து காட்டினார்கள் என சைகை மூலம் டூ பிளஸி செய்து காட்டினார்.
வைரல்:
டூ பிளஸி இப்படி சைகை மூலம், நடுவர்கள் மேட்ச் பிக்சிங் ஈடுபட்டதாக தெரிவித்த வீடியோ இணையத்தில் வைரலாகி வருகிறது. இதனைத் தொடர்ந்து, டாஸ் போடும்போது எடுக்கப்பட்ட வீடியோவை, ஸ்லோ மோஷனில் போட்டுக்காட்டி, மும்பை இந்தியன்ஸ் ரசிகர்கள் பதிலடி கொடுத்து வருகிறார்கள்.
நடவடிக்கை?
இந்நிலையில், டூ பிளஸி இப்படி களத்தில் சைகை காட்டி விமர்சித்ததற்கு, அவர் மீது கடும் நடவடிக்கை எடுக்க வேண்டும் என ரசிகர்கள் இணையத்தில் பதிவிட்டு வருகிறார்கள். இந்த விவகாரம் தற்போது, பெரும் விவாதப் பொருளாக மாறி உள்ளது.