மார்கனா? தினேஷ் கார்த்திக்கா? கொல்கத்தா அணியின் கேப்டன் யார்? பிரண்டன் மெக்கலம் விளக்கம்!

ஐபில் கிரிக்கெட் தொடரில் பங்கேற்கும் கொல்கத்தா நைட் ரைடர்ஸ் அணியும் ஒன்று. இந்நிலையில் கடந்த ஆண்டில் தமிழக வீரர் தினேஷ் கார்த்திக் தலைமையில் கொல்கத்தா அணி நிர்வாகம் களமிறங்கியது. ஆனால் ஓரளவே சிறப்பாக செயல்பட்டதால் கேப்டன் னேஷ் கார்த்திக் மீது அந்த அணி நிர்வாகத்துக்கும் அதிருப்தி இருந்ததாக வதந்திகள் பரவியது.

யார் கேப்டன்?
இதற்கிடையில் இன்றைய வீரர்கள் ஏலத்தில் இங்கிலாந்துக்கு 50 ஓவர் உலகக்கோப்பை வென்று கொடுத்த கேப்டனான இயான் மார்கனை கொல்கத்தா அணி ரூ. 5.25 கோடிக்கு ஏலத்தில் எடுத்தது. இதனால் கொல்கத்தா அணி இம்முன்றை மார்கன் தலைமையில் களமிறங்கும் என எதிர்பார்ப்பு எழுந்தது.


உறுதி செய்த மெக்கலம்
அதேபோல ஆஸ்திரேலிய வேகப்பந்துவீச்சாளர் பாட் கம்மின்ஸை அதிகபட்சமாக ரூ. 15.50 கோடிக்கு ஏலத்தில் எடுத்தது. இயான் மார்கன் ஏலத்தில் எடுக்கப்பட்டாலும், கொல்கத்தா அணியின் கேப்டனாக தினேஷ் கார்த்திக்கே செயல்படுவார் என தெரிவிக்கப்பட்டுள்ளது.


இதுகுறித்து பிரண்டன் மெக்கலம் கூறுகையில், “தினேஷ் கார்த்திக் தான் எங்கள் அணியின் கேப்டன். மார்கன் ஒரு சிறந்த தலைவர். தினேஷ் கார்த்திக்கிற்கு மார்கன் பக்கபலமாக இருப்பார் என நினைக்கிறேன். அதே போல நம்பர்-4ஆவது இடத்தையும் மார்கன் பூர்த்தி செய்வார் என நினைக்கிறேன். மார்கன் தனது வாழ்நாளில் சிறந்த பார்மில் உள்ளார். ” என்றார்.