ரோஹித் அதிரடி: கொல்கத்தாவுக்கு இமாலய இலக்கு!

சென்னை சூப்பர் கிங்ஸ் அணிக்கு எதிரான முதல் லீக் போட்டியில் தோல்வி கண்ட மும்பை இந்தியன்ஸ், இப்போட்டியில் வெற்றிபெற்றாக வேண்டிய நெருக்கடி காரணமாக அதிரடியாக விளையாடியது. கொல்கத்தா அணி பௌலர்கள் எவ்வளவு முயற்சித்தும் ரன் வேகத்தைக் கட்டுப்படுத்த முடியவில்லை. ரோஹித் ஷர்மா அபாரமாக விளையாடி 80 ரன்கள் குவித்தார். மும்பை இந்தியன்ஸ் அணி 20 ஓவர்கள் முடிவில் 5 விக்கெட் இழப்பிற்கு 195 ரன்கள் சேர்த்தது.

ஐபிஎல் 13ஆவது சீசனில் டாஸ் வென்ற அனைத்து அணிகளும் பந்துவீச்சைத் தேர்வு செய்த நிலையில், மும்பை அணியும் கொல்கத்தா அணிக்கு எதிராக பந்துவீச்சைத் தேர்வு செய்தது. மும்பை இந்தியன்ஸ் தொடக்க வீரர் குயின்டன் டி காக் ஒரு ரன்னில் ஆட்டமிழந்தார். அடுத்ததாகக் களமிறங்கிய சூர்யகுமார் யாதவுடன், ரோஹித் ஷர்மா பார்ட்னர்ஷிப் அமைத்து பௌலர்களை தெறிக்கவிட்டனர். மூன்றாவது ஓவரில் மட்டும் 4 பவுண்டரிகளை பறக்கவிட்டார் சூர்யகுமார் யாதவ். அதன்பின்பு, ஆட்டம் சூடு பிடிக்கத் தொடங்கியது.

MI vs KKR IPL Match Score: மும்பை அபார ஆட்டம்... ரோஹித் அசத்தல்!

சூர்யகுமார் யாதவ் 28 பந்துகளில் 47 ரன்கள் குவித்திருந்த நிலையில் சுனில் நரைன் வீசிய 11 ஓவரில் ரன் அவுட் ஆகி பெவிலியன் திரும்பினார். மறுபுறம் ரோஹித் ஷர்மா எந்த தயக்கமும் இல்லாமல் பந்துகளை அடித்து ஆடினார். சவுரப் திவாரி ஓரளவுக்கு தாக்குப்பிடித்து 23 ரன்கள் சேர்த்து நரைனிடம் வீழ்ந்தார். தொடர்ந்து அதிரடியாக விளையாடிய ரோஹித் ஷர்மா 54 பந்துகளில் 6 சிக்ஸர், 3 பவுண்டரிகள் விளாசி 80 ரன்கள் சேர்த்த நிலையில் இளம் பந்து வீச்சாளர் ஷிவம் மவியிடம் வீழ்ந்தார்.

KKR Vs MI: கலக்கப் போவது யாரு?

அடுத்தடுத்து களமிறங்கிய வீரர்கள் சரியாக சோபிக்காத காரணத்தால் மும்பை இந்தியன்ஸ் அணி 5 விக்கெட் இழப்பிற்கு 195 ரன்கள் எடுத்தது. கடைசி நேரத்தில் பவுண்டரிகள் விளாசியிருந்தால் 220 ரன்களுக்கு மேல் மும்பை அணி குவித்திருக்கலாம். இளம் வீரர் ஷிவம் மவி 2 விக்கெட்களையும், சுனில் நரைன், ரஸெல் ஆகியோர் தலா ஒரு விக்கெட்டையும் வீழ்த்தினர்.