MS Dhoni CSK: தோனி சார் நல்லா ஓய்வு எடுங்க, கப் தானா வரும்…ஐடியா கொடுக்கும் லாரா!

ஐபிஎல் 14ஆவது சீசனில் சென்னை சூப்பர் கிங்ஸ் அணி முதல் போட்டியில் தோல்வியடைந்த நிலையில் அடுத்தடுத்து வெற்றிகளைக் குவித்து தற்போது புள்ளிப்பட்டியின் முதலிடத்தில் உள்ளது. அணியில் அனைத்து வீரர்களும் சிறப்பாகச் செயல்பட்டாலும், கேப்டன் மகேந்திரசிங் தோனி தொடர்ந்து ரன்களை குவிக்க திணறி வருகிறார்.

இது தற்போது விமர்சனங்களை பெற்று வருகிறது. தோனிக்கு வயசாகிவிட்டது. அவரால் பேட்டி செய்ய இயலவில்லை. அடுத்த வருடம் ஓய்வுபெற்று விடுவார் எனப் பலர் கூறி வருகிறார்கள். இந்நிலையில் தற்போது பத்திரிகை ஒன்றுக்குப் பேட்டிகொடுத்துள்ள மேற்கிந்தியத் தீவுகள் அணி முன்னாள் வீரர் பிரையன் லாரா, தோனி குறித்த விமர்சனங்கள் தேவையற்றது. அவர் பேட்டிங்கில் திறமையை நிரூபிக்கத் தேவையில்லை. அணியைத் திறம்பட வழிநடத்தி நல்ல முறையில் விக்கெட் கீப்பங் செய்தால் மட்டும் போதும். சிஎஸ்கே நிச்சயம் இந்த வருடம் கோப்பை வெல்லும் எனத் தெரிவித்தார்.

CSK: தடுமாறிய வீரர், தன்னம்பிக்கை கொடுத்த தோனி…பெஸ்ட் கேப்டனுக்காக உதாரணம்!

“தோனி சிறந்த பேட்டிங் வெளிப்படுத்த வேண்டும் எனப் பலர் கூறுகிறார்கள். அது தேவையற்றது. அவர் விக்கெட் கீப்பங் பணியைத் திறம்பட செய்ய வேண்டும். கேட்ச் பிடிப்பது, ஸ்டெம்பிங் இதில் அதிக கவனம் செலுத்த வேண்டும். அணியில் அளவுக்கு அதிகமான பேட்ஸ்மேன்கள் இருக்கிறார்கள். இதனால், தோனி அதிரடியாக பேட்டிங் செய்வதற்காக அதிகம் பயிற்சி செய்யத் தேவையில்லை” எனத் தெரிவித்தார்.ரி உகுஉபு

“அணி பலமானதாக இருக்கிறது. தோனி இதனைத் திறம்பட வழிநடத்தினால் மட்டும்போதும். சாம் கரன், ஜடேஜா போன்றவர்கள் பினிஷிங் வேலையைப் பார்த்துக்கொள்வார்கள். இதை தோனி கவனத்தில் வைத்துச் செயல்பட்டால், இந்த வருடம் நிச்சயம் கோப்பையைத் தட்டித்தூக்க முடியும்” எனக் கூறினார்.

சென்னை சூப்பர் அணி தனது அடுத்த லீக் போட்டியில் ராயல் சேலஞ்சர்ஸ் பெங்களூர் அணியை ஏப்ரல் 25ஆம் தேதி சந்திக்கவுள்ளது.