ஐபிஎல் அரங்கில் அதிக மெய்டன் ஓவர்கள் வீசிய பவுலர் யார் தெரியுமா?

ஐபிஎல் கிரிக்கெட் தொடரில் அதிக மெய்டன் ஓவர்கள் வீசிய பவுலர் பற்றி பார்க்கலாம்.

Samayam Tamil 21 Apr 2020, 7:06 pm

இந்தியாவில் கடந்த 2008 முதல் உள்ளூர் டி-20 கிரிக்கெட் தொடரான ஐபிஎல் கிரிக்கெட் தொடர் நடக்கிறது. இதுவரை 12 தொடர்கள் முடிந்துள்ள நிலையில் 13 ஆவது கிரிக்கெட் தொடர் கொரோனா வைரஸ் காரணமாக நிறுத்திவைக்கப்பட்டுள்ளது. இந்நிலையில் டி-20 கிரிக்கெட்டில் எப்போதும் பேட்ஸ்மேன்களின் ஆதிக்கமே அதிகம் இருக்கும். மிகவும் அரிதாகவே பவுலர்கள் ஆதிக்கம் செலுத்துவார்கள். தவிர, 20 ஓவர்களில் ஒரு பவுலருக்கு அதிகபட்சமாக வெறும் 4 ஓவர்கள் மட்டுமே உள்ளதால், அதில் அவர்கள் திறமையை வெளிப்படுத்த வேண்டிய அதிக நெருக்கடியும் உள்ளது. இதற்கிடையில் இந்த ஐபிஎல் கிரிக்கெட் தொடரில் அதிக மெய்டன் ஓவர்கள் வீசிய பவுலர்களில் டாப்-5 பவுலர்கள் பற்றி பார்க்கலாம்.

praveen kumar lead the table for most maiden overs bowled in ipl — ஐபிஎல் அரங்கில் அதிக மெய்டன் ஓவர்கள் வீசிய பவுலர் யார் தெரியுமா?

சந்தீப் சர்மா

இப்பட்டியலில் ஐந்தாவது இடத்தில் உள்ளவர் சந்தீப் சர்மா. இவர் இதுவரை நடந்துள்ள 12 தொடர்களில் மொத்தமாக 79 போட்டிகளில் பங்கேற்றுள்ளார். 290.5 ஓவர்கள் பவுலிங் செய்துள்ள சந்தீப் 8 மெய்டன் ஓவர்கள் பவுலிங் செய்துள்ளார். மேலும் இவர் 95 விக்கெட்டுகள் வீழ்த்தியுள்ளார்.

லசித் மலிங்கா

இப்பட்டியலில் நான்காவது இடத்தில் உள்ளவர் லசித் மலிங்கா. இவர் இதுவரை நடந்துள்ள 12 தொடர்களில் மொத்தமாக 122 போட்டிகளில் பங்கேற்றுள்ளார். 471.1 ஓவர்கள் பவுலிங் செய்துள்ள மலிங்கா 8 மெய்டன் ஓவர்கள் பவுலிங் செய்துள்ளார். மேலும் இவர் 170 விக்கெட்டுகள் சாய்த்துள்ளார்.

தவல் குல்கர்னி

இப்பட்டியலில் மூன்றாவது இடத்தில் உள்ளவர் தவல் குல்கர்னி. இவர் இதுவரை நடந்துள்ள 12 தொடர்களில் மொத்தமாக 90 போட்டிகளில் பங்கேற்றுள்ளார். 290.5 ஓவர்கள் பவுலிங் செய்துள்ள குல்கர்னி 8 மெய்டன் ஓவர்கள் பவுலிங் செய்துள்ளார். மேலும் இவர் 86 விக்கெட்டுகள் வீழ்த்தியுள்ளார்.

இர்பான் பதான்

இப்பட்டியலில் இரண்டாவது இடத்தில் உள்ளவர் இர்பான் பதான். இவர் இதுவரை நடந்துள்ள 12 தொடர்களில் மொத்தமாக 103 போட்டிகளில் பங்கேற்றுள்ளார். 340.3 ஓவர்கள் பவுலிங் செய்துள்ள இர்பான் 10 மெய்டன் ஓவர்கள் பவுலிங் செய்துள்ளார். மேலும் இவர் 80 விக்கெட்டுகள் சாய்த்துள்ளார்.

பிரவீண் குமார்

இப்பட்டியலில் முதல் இடத்தில் உள்ளவர் பிரவீண் குமார். இவர் இதுவரை நடந்துள்ள 12 தொடர்களில் மொத்தமாக 119 போட்டிகளில் பங்கேற்றுள்ளார். 420.4 ஓவர்கள் பவுலிங் செய்துள்ள பிரவீண் 14 மெய்டன் ஓவர்கள் பவுலிங் செய்துள்ளார். மேலும் இவர் 90 விக்கெட்டுகள் வீழ்த்தியுள்ளார்.