IPL 2021: ராஜஸ்தான் அணி, வெங்கடேஷ் ஐயர், ஹெட்மையர் ஆகியோருக்கு விருது! முழு விபரம் இதோ!

ஐபிஎல் 14ஆவது சீசன் இறுதிப் போட்டியில் சென்னை சூப்பர் கிங்ஸ், கொல்கத்தா நைட் ரைடர்ஸ் அணிகள் மோதின. இதில் டாஸ் வென்ற கொல்கத்தா நைட் ரைடர்ஸ் அணி முதலில் பந்துவீச்சைத் தேர்வு செய்தது.

சிஎஸ்கே இன்னிங்ஸ்:

முதலில் களமிறங்கிய சென்னை சூப்பர் கிங்ஸ் அணி 20 ஓவர்கள் முடிவில் 192/3 ரன்கள் சேர்த்தது. ருதுராஜ் கெய்க்வாட் (32), ஃபாஃப் டூ பிளஸி (86), ராபின் உத்தப்பா (31), மொயின் அலி (37) போன்ற களமிறங்கிய அனைவரும் சிறப்பாக செயல்பட்டனர்.

கொல்கத்தா இன்னிங்ஸ்:

இலக்கை துரத்திக் களமிறங்கிய கொல்கத்தா அணியில் ஓபனர்கள் ஷுப்மன் கில் (51), வெங்கடேஷ் ஐயர் (50) ஆகியோர் சிறப்பான துவக்கம் தந்தனர். இருப்பினும், அடுத்துக் களமிறங்கிய நிதிஷ் ராணா, சுனில் நரைன், இயான் மோர்கன், தினேஷ் கார்த்திக் போன்றவர்கள் வழக்கம்போல வந்த வேகத்தில் நடையைக் கட்டினார்கள். இதனால், கொல்கத்தா அணி 20 ஓவர்கள் முடிவில் 165 /9 ரன்கள் மட்டும் சேர்த்து, 27 ரன்கள் வித்தியாசத்தில் தோற்றது. சிஎஸ்கே 4ஆவது முறையாக கோப்பையை தட்டித்தூக்கியது.

இப்போட்டி முடிந்தப் பிறகு ஐபிஎல் 14ஆவது சீசனில் சிறப்பாக செயல்பட்டவர்களுக்கு விருது வழங்கப்பட்டது. அதுகுறித்த முழு தொகுப்பு இதோ.

14ஆவது சீசனின் சிறந்த வீரர்: ருதுராஜ் கெய்க்வாட்

அதிக சிக்ஸர்கள்: கே.எல்.ராகுல்

கேம் சேஞ்சர் ஆஃப் தீ சீசன்: ஹர்ஷல் படேல்

சூப்பர் ஸ்ட்ரைக்கர்: ஷிம்ரோன் ஹெட்மையர்

ஆரஞ்சு தொப்பி: ருதுராஜ் கெய்க்வாட் (16 போட்டி - 635 ரன்கள்)

பேர் பிளே அவார்ட்: ராஜஸ்தான் ராயல்ஸ்

எமர்ஜிங் பிளேயர்: ருதுராஜ் கெய்க்வாட்.