Breaking: கேதர் ஜாதவ் சேர்ப்பு...மாற்று வீரராக ஒப்பந்தம் செய்தது அந்த அணி: சிஎஸ்கே ரசிகர்கள் ஹேப்பி!

ஐபிஎல் 16ஆவது சீசனில் ராயல் சேலஞ்சர்ஸ் பெங்களூர் அணியில் இடம்பெற்ற டேவிட் வில்லி, 4 போட்டிகளில் மூன்று விக்கெட்களை கைப்பற்றி அசத்தினார்.

இதனைத் தொடர்ந்து அவருக்கு காயம் ஏற்பட்டது. இதன் காரணமாக ஐபிஎல் தொடரில் இருந்து விலகினார். இந்நிலையில், ஆர்சிபி அணி டேவிட் வில்லிக்கு மாற்றாக சிஎஸ்கே முன்னாள் ஆல்-ரவுண்டர் கேதர் ஜாதவை ஒப்பந்தம் செய்துள்ளது. ஜாதவ் ஆர்சிபிக்காக ஏற்கனவே 17 போட்டிகளில் விளையாடியிருக்கிறார். இவர் 2010 முதல் ஐபிஎல் தொடரில் விளையாடி, மொத்தம் 93 போட்டிகளில் 1196 ரன்களை குவித்திருக்கிறார். இவர் பார்ட் டைம் பௌலராகவும் சிறப்பாக செயல்படக் கூடியவர்.

ஆர்சிபி அணி இதுவரை 8 போட்டிகளில் 4 வெற்றிகளை பெற்று, 6ஆவது இடத்தில் உள்ளது. எஞ்சியிருக்கும் 6 போட்டிகளில் 5 வெற்றிகளை பெற்றால்தான், பிளே ஆப் வாய்ப்பு பிரகாசமாக இருக்கும். இதனால், ஆர்சிபி அடுத்தடுத்த போட்டிகளில் வெற்றிபெற்றாக வேண்டிய நிலையில் இருக்கிறது.

ஆர்சிபி அணி இன்று லக்னோ சூப்பர் ஜெய்ண்ட்ஸ் அணியை எதிர்கொள்ள உள்ளது என்பது குறிப்பிடத்தக்கது.

இந்நிலையில், கேதர் ஜாதவை ஆர்சிபி ஒப்பந்தம் செய்ததற்கு, சிஎஸ்கே ரசிகர்கள் வாழ்த்துக்களை தெரிவித்து வருகிறார்கள்.