IPL 2023: 'கொல்கத்தா அணிக்கு புது கேப்டன்'...இந்திய அணிக்கு விளையாடாத 'உள்ளூர்' வீரர் தேர்வு?

ஐபிஎல் 15ஆவது சீசன் வரும் 31ஆம் தேதிமுதல் துவங்கி நடைபெறவுள்ளது. இதற்காக அனைத்து அணிகளும் தீவிர வலைப்பயிற்சியில் ஈடுபட்டு வருகிறது

கொல்கத்தா அணி:

ஐபிஎலில் இரண்டு முறை (2012, 2014) கோப்பை வென்ற கொல்கத்தா நைட் ரைடர்ஸ் அணி பேட்டர்கள் கடந்த சீசனில் பவுன்சர்களுக்கு எதிராக படுமோசமாக திணறினர். குறிப்பாக, கேப்டன் ஷ்ரேயஸ் ஐயர், ரஸல் போன்றவர்கள் பவுன்சர்களுக்கு எதிராக தொடர்ந்து விக்கெட்களை பறிகொடுத்தது அதிர்ச்சியை ஏற்படுத்தியது.

இதனால் இம்முறை இந்த குறையை சரிசெய்து, கோப்பை வெல்லும் முனைப்பில் களமிறங்குவார்கள் என எதிர்பார்க்கப்பட்ட சமயத்தில், ஷ்ரேயஸ் ஐயர் முகுது வலி பிரச்சினை காரணமாக முதல்பாதி ஆட்டங்களில் பங்கேற்க மாட்டார் என்ற அதிர்ச்சி தகவல் வெளியாகியுள்ளது.

ஷ்ரேயஸ் ஐயர் விலகல்:

ஆஸ்திரேலியாவுக்கு எதிரான நான்காவது டெஸ்ட் போட்டியின்போது ஷ்ரேயஸ் ஐயருக்கு முதுகு பகுதியில் வலி ஏற்பட்டது. இதனைத் தொடர்ந்து போட்டியின் நடுவே மருத்துவமனையில் அனுமதிக்கப்பட்டார். இதனைத் தொடர்ந்து ஆஸ்திரேலியாவுக்கு எதிரான ஒருநாள் தொடரில் இருந்தும் அவர் விலகிவிட்டார்.
இந்நிலையில், அவர் ஐபிஎல் 16ஆவது சீசனின் முதல்பாதி ஆட்டங்களிலும் பங்கேற்க வாய்ப்பில்லை எனத் தகவல் வெளியாகியுள்ளது.

மாற்று கேப்டன்:

இதனைத் தொடர்ந்து மாற்று கேப்டன் யார் என்ற கேள்வி எழுந்துள்ளது. இதுகுறித்து, கொல்கத்தா நைட் ரைடர்ஸ் இன்ஸ்டாகிராம் பக்கத்தில் ரசிகர்கள் ஒருவர் கேள்வி எழுப்பிய நிலையில், ரிங்கு சிங் புகைப்படத்தை பகிர்ந்து 'எங்கள் கேப்டன்' என நிர்வாகம் பதிலளித்துள்ளது. இதனால், ரிங்கு சிங் பெயர் ட்ரெண்டாக ஆரம்பித்துள்ளது.

2018ஆம் ஆண்டுமுதல் ஐபிஎல் தொடரில் விளையாடி வரும் ரிங்கு சிங் 17 போட்டிகளில் 20.9 சராசரியுடன் 251 ரன்களை சேர்த்துள்ளார். 40 முதல்தர போட்டிளில் 60 சராசரியுடன் 2875 ரன்களையும், லிஸ்ட் ஏ போட்டிகளில் 53 சராசரியுடன் 1749 ரன்களையும் குவித்துள்ளார் என்பது குறிப்பிடத்தக்கது.