ஆப்நகரம்

ஐபிஎல் சுவாரசியம்: 'ஹாட்ரிக் விக்கெட் வீழ்த்திய ரோஹித்'...அதுவும் மும்பைக்கு எதிராக...வீடியோ இதோ!

ஐபிஎலில் ரோஹித் ஷர்மா மும்பை அணிக்கு எதிராக ஹாட்ரிக் விக்கெட்டை வீழ்த்தியிருக்கிறார்.

Authored byமதுரை சமயன் | Samayam Tamil 30 Mar 2023, 6:56 am
13 வருடங்களுக்கு முன், 2009-ம் ஆண்டில் ரோஹித் ஷர்மா டெக்கான் சார்ஜஸ் அணிக்காக விளையாடினார். அப்போது டெக்கான் சார்ஜஸ் மும்பை இந்தியன்ஸ் எதிரான போட்டியில் டெக்கான் சார்ஜஸ் அணிதான் முதலில் பேட்டிங்கை தேர்வு செய்தது.
Samayam Tamil ரோஹித் ஷர்மா


20 ஓவர்கள் முடிவில் டெக்கான் அணி 145/6 ரன்களை சேர்த்தது. ரோஹித் ஷர்மா 38 ரன்களை விளாசியிருந்தார். இதனைத் தொடர்ந்து இலக்கை துரத்திக் களமிறங்கிய மும்பை இந்தியன்ஸ் அணி 15 ஓவர்கள் முடிவில் 103/4 என ரன்களை சேர்த்திருந்தது. விக்கெட்டை வீழ்த்த முடியவில்லை என்பதால், பார்ட் டைம் பௌலர் பக்கம் கேப்டன் திரும்பினார்.

முதல் ஓவரில் 2 விக்கெட்:

அந்த சமயத்தில் ரோஹித் ஷர்மாவுக்கு ஒரு ஓவர் வழங்கப்பட்டது. அவர் பார்ட் டைம் பௌலர் என்பதால், இவர் வீசிய 6 பந்துகளையும் தூக்கியடிக்க பேட்டர்கள் தயாராக இருந்தனர். இந்நிலையில், கடைசி இரண்டு பந்துகளில் அபிஷேக் நாயர் (1) மற்றும் ஹர்பஜன் சிங் (0) ஆகியோரை வீழ்த்தி அசத்தினார். இப்படி இரண்டு விக்கெட்களை சாய்த்ததால், மீண்டும் ஒருமுறை ஓவர் வழங்கப்பட்டது.

அடுத்து ஒரு விக்கெட்:

அப்போது, 18ஆவது ஓவரின் முதல் பந்தில் ஜேபி டுமினி (52) விக்கெட்டை வீழ்த்தி ஹாட்ரிக் விக்கெட் சாதனையைப் படைத்தார். மேலும், டெக்கான் சார்ஜஸ் அணியின் வெற்றிக்கு முக்கிய காரணமாகவும் இருந்தார். டெக்கான் அணி 19 ரன்கள் வித்தியாசத்தில் வெற்றிபெற்றது. ரோஹித் ஷர்மா 2 ஓவர்களில் 6 ரன்களை விட்டுக்கொடுத்து 4 விக்கெட்களை கைப்பற்றி வரலாறு படைத்திருந்தார்.



அந்த சீசனில் டெக்கான் அணிதான் கோப்பை வென்றிருந்தது. அதன்பிறகு மும்பை இந்தியன்ஸ் அணிக்கு வந்த ரோஹித் ஷர்மா 5 முறை கோப்பை வென்றுகொடுத்துள்ளார். இப்படி மொத்தம் 6 முறை கோப்பை வென்ற அணியில் நீடித்த ஒரேயொரு ஐபிஎல் வீரராக ரோஹித் ஷர்மா திகழ்கிறார்.

அதே ஆண்டில் 2009-ல், யுவராஜ் சிங்கும் ஹாட்ரிக் விக்கெட்டை வீழ்த்தியிருந்தார். இப்படி இரண்டு பேட்டர்கள் ஹாட்ரிக் வீழ்த்தியிருந்தது குறிப்பிடத்தக்கது.
எழுத்தாளர் பற்றி
மதுரை சமயன்
நான் மதுரை சமயன். பத்திரிகை துறையில் உள்ள ஆர்வத்தால், கடந்த 3 வருடங்களாக பணிபுரிந்து வருகிறேன். விளையாட்டு செய்திகளை, அரசியல் செய்திகளை எழுதுவதில் ஆர்வம். உடனுக்குடன் செய்திகளை கொண்டு சேர்க்க வேண்டும் என்பதில் தனி ஆர்வம் உண்டு. தற்போது, Times Of India சமயம் தமிழில் Digital Content Producerஆக பணிபுரிகிறேன்.... மேலும் படிக்க

அடுத்த செய்தி

டிரெண்டிங்