SRH: மணிஷ் பாண்டே அதிரடி.... ஹைதராபாத் ரன் குவிப்பு!

ஐபிஎல் தொடரின் இன்றைய ஆட்டத்தில் சென்னை சூப்பர் கிங்ஸ் அணியும் சன்ரைசர்ஸ் ஹைதராபாத் அணியும் விளையாடுகின்றன. இதில் டாஸ் வென்ற ஹைதராபாத் அணி முதலில் பேட்டிங் செய்தது. அந்த அணியின் துவக்க ஆட்டக்காரர்களாக கேப்டன் டேவிட் வார்னரும் ஜானி பேர்ஸ்டோவும் களமிறங்கினர். வழக்கமாக துவக்க ஓவர்களில் அதிரடி காட்டும் பெர்ஸ்டோவ் இன்றைய ஆட்டத்தில் ஏமாற்றம் தந்தார். ஆட்டத்தின் நான்காவது ஓவரிலேயே வெறும் 7 ரன்களுக்கு சாம் கரன் பந்தில் அவர் வெளியேறினார். பின்னர் மணிஷ் பாண்டே டேவிட் வார்னருடன் ஜோடி சேர்ந்தார்.

இந்த ஜோடி மேற்படி விக்கெட்டை இழக்காமல் நிதானமாகவும், தேவையான நேரத்தில் பவுண்டரி அடித்தும் விளையாடிது. இதனால் ஸ்கோர் 100 ரன்களைக் கடந்தது. இரண்டாவது விக்கெட்டுக்கு 106 ரன்கள் சேர்த்த நிலையில் இந்த ஜோடி பிரிந்தது. 55 பந்துகளில் 57 ரன்கள் எடுத்திருந்த டேவிட் வார்னர் லுங்கி ஏங்கிடி பந்தில் வெளியேறினார். சிறிது நேரத்திலேயே மணிஷ் பாண்டேவும் 61 ரன்களுக்கு ஏங்கிடி பந்தில் ஆட்டமிழந்தார். இவர்கள் நிலைத்து நின்று விளையாடியும் கடைசி நேரத்தில் அதிரடி காட்டத் தவறியதால் அணியின் ரன் ரேட் உயரவில்லை.

எல்லா கேப்டனும் இவர் வேணும்னு அடம்பிடிப்பாங்க: சிஎஸ்கே வீரரை புகழ்ந்த ரெய்னா!
கடைசி நேரத்தில் கேன் வில்லியம்சன் அதிரடியாக விளையாடி 10 பந்துகளில் 26 ரன்கள் எடுத்ததால் அணியின் ஸ்கோர் 16 ரன்களைக் கடந்தது. இறுதியில் ஹைதராபாத் அணி 20 ஓவர்கள் முடிவில் 3 விக்கெட் இழப்புக்கு 171 ரன்கள் குவித்தது. சென்னை அணி தரப்பில் ஏங்கிடி 2 விக்கெட்களும், சாம் கரன் ஒரு விக்கெட்டும் வீழ்த்தினர். சென்னை அணிக்கு 172 ரன்கள் இலக்காக நிர்ணயிக்கப்பட்டுள்ளது.