MI vs RCB: பிளே ஆஃப் சுற்றுக்குள் நுழைந்த மும்பை...பெங்களூர் அணி போராடி தோல்வி!

அபுதாபியில் டாஸ் வென்ற மும்பை இந்தியன்ஸ் பந்துவீச முடிவு செய்தது. முதலில் களமிறங்கிய ராயல் சேலஞ்சர்ஸ் பெங்களூர் அணி துவக்கத்தில் சிறப்பாகச் செயல்பட்டது.

ஜோஸ் பிலீப் 24 பந்துகளில் 33 ரன்கள் சேர்த்தார். மறுமுனையில், தேவ்தத் பட்டிக்கல் அற்புதமான முறையில் பேட்டிங் செய்து 45 பந்துகளில் ஒரு சிக்ஸர், 12 பவுண்டரிகள் விளாசி 74 ரன்கள் சேர்த்து ஆட்டமிழந்தார்.

அடுத்து களமிறங்கிய விராட் கோலி (9), ஏபி டிவிலியர்ஸ் (15) போன்றவர்கள் அதிரடி காட்டத் தவறினர். நடுவரிசை பேட்ஸ்மேன்கள் ஷிபம் துபே (2), கிறிஸ் மோரிஸ் (4) போன்றவர்களும் வந்த வேகத்தில் நடையைக் கட்டினர். இதனால், பெங்களூர் அணி 20 ஓவர்கள் முடிவில் 6 விக்கெட்களை இழந்து 164 ரன்கள் எடுத்தது.

RCB vs MI match Highlights: சூர்யகுமார் யாதவ் விஸ்வரூபம்... மும்பை இந்தியன்ஸ் அபார வெற்றி!

ஜஸ்பரீத் பும்ரா 4 ஓவர்கள் வீசி 14 ரன்கள் மட்டும் விட்டுக்கொடுத்து 3 விக்கெட்களை கைப்பற்றி அசத்தினார்.

165 ரன்கள் எடுத்தால் வெற்றி என்ற நிலையில் களமிறங்கிய மும்பை அணி துவக்கத்தில் தடுமாறியது. ஓபனிங் பேட்ஸ்மேன்கள் குவின்டன் டி காக் (18), இஷான் கிஷன் (25) ஆகியோர் விரைவில் பெவிலியன் திரும்பினர்.

அடுத்துக் களமிறங்கிய சூர்யகுமார் யாவத் அதிரடியாக விளையாடிய நிலையில் சௌரப் திவாரி (5), க்ருனால் பாண்டியா (10) வந்த வேகத்தில் நடையைக் கட்டினர்.

MI vs RCB preview: ரோஹித் இல்லாமல் களமிறங்கும் மும்பை... பிளே ஆஃபை உறுதிப்படுத்தப்போவது யார்?

அடுத்துக் களமிறங்கிய ஹார்திக் பாண்டியா, சூர்யக்குமார் யாதவ் உடன் பார்ட்னர்ஷிப் அமைத்து விளையாடினார். ஹார்திக் பாண்டியா 15 பந்துகளில் 17 ரன்களும், சூர்யக்குமார் யாதவ் 43 பந்துகளில் 2 சிக்ஸர், 8 பவுண்டரிகளுடன் 79 ரன்களும் சேர்த்தனர். இதனால், மும்பை இந்தியன்ஸ் 19.1 ஓவர்கள் முடிவில் 5 விக்கெட்களை இழந்து 166 ரன்கள் எடுத்து வெற்றிபெற்றது.

இந்த வெற்றி மூலம், மும்பை இந்தியன்ஸ் 16 புள்ளிகளுடன் பிளே ஆஃப் சுற்றை உறுதி செய்து முதலிடத்தில் நீடிக்கிறது.