IPL 2022: ‘ஐபிஎலுக்கு புதிய ஸ்பான்சர் அறிவிப்பு’…இனி விவோ கிடையாது: பிசிசிஐ அதிரடி முடிவு!

ஐபிஎலுக்கு 2018-2022ஆம் ஆண்டுவரை 2200 கோடி மதிப்பில் ஸ்பான்சர் செய்ய விவோ நிறுவனம் ஒப்பந்தமானது. இந்நிலையில் 2021ஆம் ஆண்டு ஐபிஎல் தொடர் நடைபெறுவதற்கு முன்பு இந்தியா, சீனா இடையில் பதற்றம் நிலவி வந்ததால், சீன பொருட்களை புறக்கணிக்க வேண்டும் என பலர் பேசி வந்தனர்.

இந்நிலையில், ஐபிஎலுக்கு ஸ்பான்சர் செய்துவந்த சீன நிறுவனமான விவோவையும் தடை செய்ய வேண்டும் என கிரிக்கெட் ரசிகர்கள் போர்கொடி தூக்கினர். இவர்களது சொல்லுக்கு மதிப்பளித்த பிசிசிஐ, 2021-க்கு மட்டும் டிரிம் 11-யை ஸ்பான்சராக நியமித்தது.

இதனை தொடர்ந்து அடுத்த வருடமும் விவோவுக்கு ஸ்பான்சர்ஷிப் தரக் கூடாது என நிர்வாகிகள் பலர் ஒரே முடிவாக இருந்ததால், புதிய ஸ்பான்சரை தேர்வு செய்யும் பணியில் பிசிசிஐ ஈடுபட்டு வந்தது. இந்நிலையில் தற்போது பத்திரிகை ஒன்றுக்குப் பேட்டிகொடுத்துள்ள பிசிசிஐ நிர்வாகி பேசியபோது, ‘‘ அடுத்த ஆண்டு டாடா நிறுவனம்தான் ஐபிஎல் ஸ்பான்சராக இருக்கும்’’ எனத் தெரிவித்துள்ளார்.