KKR vs DC: கெத்து காட்டிய வருண் சக்கரவர்த்தி...கொல்கத்தா அணி அபார வெற்றி!

அபுதாபி மைதானத்தில் இன்று நடைபெற்ற முதல் போட்டியில் டாஸ் வென்ற டெல்லி கேபிடல்ஸ் முதலில் பந்துவீச முடிவு செய்தது. முதலில் களமிறங்கிய கொல்கத்தா அணி துவக்கத்தில் முக்கிய விக்கெட்களை பறிகொடுத்தது.

ஷுப்மன் கில் (9), ராகுல் திரிபாதி (13), தினேஷ் கார்த்திக் (3) ஆகியோர் வந்த வேகத்தில் நடையைக் கட்டினர். கொல்கத்தா அணி 42 ரன்களுக்கு 3 விக்கெட்களை இழந்து தடுமாறிய நிலையில் நிதிஷ் ராணா, சுனில் நரைன் இருவரும் பார்ட்னர்ஷிப் அமைத்து ரன்களை சேர்த்தனர்.

நிதிஷ் ராணா 53 பந்துகளில் ஒரு சிக்ஸர், 13 பவுண்டரிகள் விளாசி 81 ரன்கள் சேர்த்தார். சுனில் நரைன் அதிரடியாக விளையாடி 32 பந்துகளில் 4 சிக்ஸர், 6 பவுண்டரிகள் விளாசி 64 ரன்கள் விளாசினார். இதனால், கொல்கத்தா அணி 20 ஓவர்கள் முடிவில் 6 விக்கெட்களை இழந்து 194 ரன்கள் எடுத்தது.

சிஎஸ்கே தோல்வி காரணமாக தோனி மன வருத்தம்!

195 ரன்கள் எடுத்தால் வெற்றி என்ற மெகா இலக்கை நோக்கிக் களமிறங்கிய டெல்லி கேபிடல்ஸ் அணி அடுத்தடுத்து விக்கெட்களை இழந்து தடுமாறியது. அஜிங்கிய ரஹானே முதல் பந்தில் ஆட்டமிழந்தார்.

தொடர்ந்து இரண்டு சதங்களை விளாசிய ஷிகர் தவன் 6 ரன்கள் மட்டுமே சேர்த்தார். கேப்டன் ஷ்ரேயஸ் ஐயர் ஓரளவுக்குத் தாக்குப்பிடித்து 38 பந்துகளில் 47 ரன்கள் எடுத்தார். ரிஷப் பந்த் (27), மார்க்கஸ் ஸ்டாய்னிஸ் (6) போன்றவர்கள் சிறப்பாக விளையாடத் தவறினர்.

இதனால், டெல்லி கேபிடல்ஸ் அணி 9 விக்கெட்களை இழந்து 135 ரன்கள் மட்டும் எடுத்து 59 ரன்கள் வித்தியாசத்தில் தோல்வியைச் சந்தித்தது. வருண் சக்கரவர்த்தி 4 ஓவர்கள் வீசி 20 ரன்களை மட்டும் விட்டுக்கொடுத்து 5 விக்கெட்களை கைபற்றி அசத்தினார். பாட் கம்மின்ஸ் 3 விக்கெட்களை சாய்த்தார்.

கபில் தேவ் உடல்நிலையில் முன்னேற்றம்: புகைப்படம் வெளியீடு!

கொல்கத்தா அணி 42 ரன்களுக்கு மூன்று விக்கெட்களை இழந்து தடுமாறிய நிலையில், நிதிஷ் ராணா அபரமாக விளையாடி 81 ரன்கள் சேர்த்தார். சுனில் நரைனும் தனது பங்கிற்கு 32 பந்துகளில் 62 ரன்கள் எடுத்தார்.

194 ரன்கள் இலக்கை துரத்திக் கொண்டு களமிறங்கி டெல்லி கேபிடல்ஸ் அணி பேட்ஸ்மேன்களை வருண் சக்கரவர்த்தி அடுத்தடுத்து பெவிலியனுக்கு அனுப்பினார். மொத்தம் 4 ஓவர்கள் வீசி 20 ரன்களை மட்டும் விட்டுக்கொடுத்து 5 விக்கெட்களை கைப்பற்றி கொல்கத்தா அணியின் வெற்றிக்கு உறுதுணையாக இருந்தார்.