CSK: 'கோப்பைய எடுத்து வைங்க'...மறைமுகமாக தெரிவித்த தோனி: கொண்டாடும் ரசிகர்கள்...விபரம் இதோ!

ஐபிஎல் 16ஆவது சீசன் 33ஆவது லீக் போட்டியில் சென்னை சூப்பர் கிங்ஸ், கொல்கத்தா நைட் ரைடர்ஸ் ஆகிய அணிகள் மோதின. கொல்கத்தாவில் துவங்கிய இப்போட்டியில் டாஸ் வென்ற கொல்கத்தா அணி, முதலில் பந்துவீச்சைத் தேர்வு செய்தது.

சிஎஸ்கே இன்னிங்ஸ்:

முதலில் களமிறங்கிய சிஎஸ்கேவில் ருதுராஜ் கெய்க்வாட் 35 (20), டிவோன் கான்வே 56 (40), அஜிங்கிய ரஹானே 71 (29), ஷிவம் துபே 50 (21) ஆகியோர் அபாரமாக விளையாடி ரன்களை குவித்தனர். இறுதிக் கட்டத்தில் ரவீந்திர ஜடேஜா 18 (8) ரன்களை எடுத்தார். இதனால், சிஎஸ்கே 20 ஓவர்கள் முடிவில் 235/4 ரன்களை குவித்தது.

கொல்கத்தா இன்னிங்ஸ்:

இலக்கை துரத்திக் களமிறங்கிய கொல்கத்தா அணியில் ஜேசன் ராய் 61 (26), ரிங்கு சிங் 53 (33) ஆகியோர் மட்டும்தான் பெரிய ஸ்கோர் அடித்தனர். மற்றவர்களில் நிதிஷ் ராணா 27 (20), வெங்கடேஷ் ஐயர் 20 (20) ஆகியோர் மட்டும்தான் இரட்டை இலக்க ரன்களை எடுத்தனர். இதனால், கொல்கத்தா அணி 20 ஓவர்கள் முடிவில் 186/8 ரன்களை மட்டும் சேர்த்து, 49 ரன்கள் வித்தியாசத்தில் தோற்றது.

2021-ல்:

2020 ஆண்டு ஐபிஎல் தொடரில் படுமோசமாக சொதப்பிய சிஎஸ்கே, அடுத்து 2021ஆம் ஆண்டு ஐபிஎல் தொடரில் அபாரமாக விளையாடி கோப்பை வென்றது. இதேபோல், 2022ம் ஆண்டில் சிஎஸ்கே சொதப்பிய நிலையில், 2023ஆம் ஆண்டில் அதிரடியாக விளையாடி வருகிறது.

தோனி பேட்டி:

2020ஆம் ஆண்டில் சொதப்பியபோது தோனி, 'வலிமையுடன் திரும்பி வருவோம்' எனக் கூறி, அடுத்த சீசனில் கோப்பை வென்றுகொடுத்தார். இந்நிலையில் 2022ஆம் ஆண்டில் சொதப்பியபோதும், 'அடுத்த சீசனில் வலிமையுடன் திரும்பி வருவோம்' எனக் கூறியிருந்தார். அதேபோல், தற்போது சிஎஸ்கே அதிரடியாக விளையாடி வருகிறது. இதனால், இம்முறை சிஎஸ்கே கோப்பை வெல்லும் என்ற நம்பிக்கையில் ரசிகர்கள் இருக்கிறார்கள்.