WTC Final: '5 ஸ்டார் வீரர்கள் விலகல்'...XI அணியில் பிரச்சினை இருக்கா? யாருக்கு எந்த இடம்: விபரம் இதோ!

உலக டெஸ்ட் சாம்பியன்ஷிப் 2021-2023 தொடர் தற்போது இறுதிக் கட்டத்தை எட்டியுள்ளது. லீக் சுற்றுகள் அனைத்தும் நடந்து முடிந்து இறுதிப் போட்டி மட்டும்தான் எஞ்சியிருக்கிறது.

லீக் சுற்றில் சிறப்பாக செயல்பட்ட இந்தியா, ஆஸ்திரேலிய அணிள் இறுதிப் போட்டிக்கு முன்னேறியுள்ளன. இந்த இறுதிப் போட்டி வரும் ஜூன் 7ஆம் தேதி இங்கிலாந்து ஓவல் மைதானத்தில் துவங்கி நடைபெறவுள்ளது. இந்தியா, ஆஸ்திரேலிய அணிகள் கிட்டதட்ட 20 வருடங்களுக்கு பிறகு ஐசிசி பைனலில் மோத உள்ளதால், இப்போட்டி மிகுந்த எதிர்பார்ப்பை ஏற்படுத்தியுள்ளது.

பழி தீர்க்குமா?

முன்னதாக, 2003ஆம் ஆண்டு ஒருநாள் உலகக் கோப்பையில் ஆஸ்திரேலிய அணி, இந்தியாவுக்கு எதிராக சிறப்பாக செயல்பட்டு 125 ரன்கள் வித்தியாசத்தில் வெற்றியைப் பெற்று கோப்பையை தட்டித்தூக்கியது. தற்போது, அதற்கு பதிலடி கொடுக்க அருமையாக வாய்ப்பு கிடைத்துள்ளது.

இந்திய அணி அறிவிப்பு:

இந்நிலையில், இத்தொடருக்கான இந்திய அணி அறிவிக்கப்பட்டுள்ளது. இதில், 17 மாதங்களுக்கு பிறகு அஜிங்கிய ரஹானே டெஸ்ட் அணியில் இடம்பிடித்துள்ளார். கேப்டனாக ரோஹித் ஷர்மா செயல்பட உள்ளார். சமீபத்தில் ரஞ்சிக் கோப்பையில் அசத்திய ஜெய்தேவ் உனாத்கட், ஷர்தூல் தாகூர் போன்றவர்களும் இடம்பிடித்துள்ளனர். காயம் காரணமாக, பும்ரா பைனலில் இருந்து விலகியுள்ளார். ஷ்ரேயஸ் ஐயரும் இடம்பெறவில்லை..

மற்றபடி ரெகுலர் டெஸ்ட் வீரர்கள் அணியில் இடம்பிடித்துள்ளனர்.

இந்திய அணி (ஆஸிக்கு எதிராக): ரோஹித் ஷர்மா, ஷுப்மன் கில், சேத்தஸ்வர் புஜாரா, விராட் கோலி, அஜிங்கிய ரஹானே, கே.எல்.ராகுல், கே.எஸ்.பரத், ரவிச்சந்திரன் அஸ்வின், ரவீந்திர ஜடேஜா, அக்சர் படேல், ஷர்தூல் தாகூர், முகமது ஷமி, முகமது சிராஜ், உமேஷ் யாதவ், ஜெய்தேவ் உனாத்கட்.

கே.எல்.ராகுல் நீக்கம்:

ஐபிஎல் 16ஆவது சீசனில் விளையாடிய கே.எல்.ராகுலுக்கு காயம் ஏற்பட்டுள்ளதால், அவர் டெஸ்ட் சாம்பியன்ஷிப் பைனலில் விளையாட வாய்ப்பில்லை என தகவல் வெளியாகியுள்ளது. அதுமட்டுமல்ல, ஜெய்தேவ் உனாத்கட்டும் காயம் காரணமாக விலக உள்ளதாக கூறப்படுகிறது. ஏற்கனவே பும்ரா, ரிஷப் பந்த், ஷ்ரேயஸ் ஐயர் ஆகியோர் விலகவிட்டனர்.

லெவன் அணியில் பிரச்சினையா?

இப்படி 5 நட்சத்திர வீரர்கள் விலகியபோதும், டெஸ்ட் சாம்பியன்ஷிப் பைனலுக்கான இந்திய லெவனியில் எந்த பிரச்சினையும் ஏற்படவில்லை. பைனலுக்கான இந்திய லெவன் அணி குறித்து தற்போது பார்க்கலாம்.

இந்திய உத்தேச XI அணி:

1) ஷுப்மன் கில்
2) ரோஹித் ஷர்மா
3) சேத்தஸ்வர் புஜாரா
4) விராட் கோலி
5) அஜிங்கிய ரஹானே
6) ரவீந்திர ஜடேஜா
7) ஶ்ரீகர் பரத்
8) ஷர்தூல் தாகூர் / அஸ்வின்
9) முகமது ஷமி
10) உமேஷ் யாதவ்
11) முகமது சிராஜ்