அசத்தலாக ரன் குவிப்பில் ஈடுபட்ட இந்தியா : ராகுல் அரை சதம்

கொழும்பு : இலங்கைக்கு எதிரான 2 வது டெஸ்ட் போட்டியில், இந்திய அணி முதல் இடைவேளையில் 1 விக்கெட் இழப்பிற்கு 101 ரன்கள் எடுத்துள்ளது.

இலங்கை சென்றுள்ள இந்திய அணி 3 டெஸ்ட், 5 ஒருநாள் போட்டி, ஒரு டி20 போட்டியில் விளையாடி வருகிறது. இதன் முதல் டெஸ்ட் போட்டியில் இந்தியா அபாரமாக வெற்றி பெற்றது.
இத்தொடரின் 2வது டெஸ்ட் போட்டி கொழும்புவில் தொடங்கியுள்ளது. பேட்டிங் மற்றும் பவுலிங்கில் வலுவாக இருக்கும் இந்திய அணி டாஸ் வென்று முதலில் பேட்டிங் செய்ய தீர்மானித்தது.

முதலில் பேட் செய்ய வந்த சிகர் தவான் மற்றும் லோகேஷ் ராகுல் சிறப்பான தொடக்கத்தை கொடுத்தனர். 1 சிக்சர், 5 பவுண்டரிகள் அடித்து அதிரடி காட்டிய தவான் 37 பந்துகளில் 35 ரன்கள் எடுத்து தில்ருவான் பெரேரா பந்தில் LBW முறையில் விக்கெட் பரிகொடுத்தார்.

ராகுல் அரைசதம்:
பின்னர் புஜாராவுடன் சேர்ந்து விளையாடி வரும் ராகுல் தனது 9வது அரைசதத்தை பூர்த்தி செய்தார்.