வெற்றியை நெருங்கும் ஆஸி.,: இங்கிலாந்து தடுமாற்றம்: மழையால் ஆட்டம் ரத்து!

பெர்த்: இங்கிலாந்து அணிக்கு எதிராக பெர்த்தில் நடக்கும் மூன்றாவது டெஸ்டில், ஆஸ்திரேலிய அணி வெற்றியை நோக்கி வேகமாக முன்னேறி வருகிறது.

ஆஸ்திரேலியா சென்றுள்ள இங்கிலாந்து அணி, 5 டெஸ்ட் போட்டிகள் கொண்ட பாரம்பரிய ஆஷஸ் தொடரில் பங்கேற்கிறது. முதல் இரண்டு டெஸ்டிலும் ஆஸ்திரேலிய அணி வெற்றி பெற்று 2-0 என முன்னிலையில் உள்ளது.

ஸ்மித் இரட்டை சதம்:
இரு அணிகள் மோதும் மூன்றாவது டெஸ்ட் பெர்த்தில் நடக்கிறது. இதில் முதல் இன்னிங்சில் இங்கிலாந்து அணி, 403 ரன்கள் எடுத்தது. ஆஸ்திரேலிய அணிக்கு கேப்டன் ஸ்மித் (239) இரட்சை சதம் அடித்து கைகொடுக்க, முதல் இன்னிங்சில் 9 விக்கெட்டுக்கு 662 ரன்கள் குவித்து டிக்ளேர் செய்தது.

தடுமாற்ற துவக்கம்:
இதையடுத்து 259 ரன்கள் பின் தங்கிய நிலையில் இரண்டாவது இன்னிங்சை துவங்கிய இங்கிலாந்து அணிக்கு குக் (14), ஸ்டோன்மேன் (3), ரூட் (14) அடுத்ததடுத்து அவுட்டாகினர். வின்சி (55) அரைசதம் அடித்து அவுட்டானார்.

மழை குறுக்கீடு:
இங்கிலாந்து அணி இரண்டாவது இன்னிங்சில் 4 விக்கெட்டுக்கு 132 ரன்கள் எடுத்த போது மழை குறுக்கிட்டதால், போட்டி நடப்பதில் தாமதம் ஏற்பட்டது. தொடர்ந்து மழை நீடித்ததால், நான்காவது நாள் ஆட்டம் முன்னதாகவே முடிவுக்கு வந்தது.

3rd Test: Australia close to Ashes glory as England lose four wickets