Ab De Villiers Retirement: சர்வதேச கிரிக்கெட்டுக்கு ‘பை-பை’ சொன்ன ‘மிஸ்டர்-360’ டிகிரி டிவிலியர்ஸ்!

ஜோகானஸ்பர்ஸ்: சர்வதேச கிரிக்கெட்டில் இருந்து உடனடியாக ஓய்வு பெருவதாக தென் ஆப்ரிக்க நட்சத்திர கிரிக்கெட் வீரர் டிவிலியர்ஸ் அறிவித்து ரசிகர்களுக்கு அதிர்ச்சி அளித்துள்ளார்.

தென் ஆப்ரிக்க கிரிக்கெட் அணியின் நட்சத்திர வீரர் டிவிலியர்ஸ், இவர் கடந்த 2004ல் இங்கிலாந்து அணிக்கு எதிராக போர்ட் எலிசபெத்தில் நடந்த டெஸ்ட் போட்டியில் தென் ஆப்ரிக்க அணிக்காக அறிமுகமானார்.

மிஸ்டர் 360 டிகிரி:
மைதானத்தில் நாலாபுறமும் பவுலர்களை பந்தாடுவதில் கில்லாடியான இவரை ரசிகர்கள் மிஸ்டர் -360 டிகிரி என அழைத்தனர். இவர் இதுவரை தென் ஆப்ரிக்க அணிக்காக 114 டெஸ்ட் (8765 ரன்கள்), 228 ஒருநாள் (9577 ரன்கள்), 78 டி-20 (1672 ரன்கள்) போட்டிகளில் பங்கேற்றுள்ளார்.

திடீர் ஓய்வு:
உடல் நலக்குறைவு காரணமாக டெஸ்ட் போட்டியில் இருந்து சில ஆண்டுகள் ஒதுங்கியிருந்த டிவிலியர்ஸ், ஒருநாள், டி-20 போட்டிகளில் மட்டும் பங்கேற்று வந்தார். அடுத்த ஆண்டு உலகக்கோப்பை தொடருக்கு பின் 34 வயதான இவர் ஓய்வை அறிவிப்பார் என எதிர்பார்த்த நிலையில் இன்று திடீரென அனைத்து விதமான சர்வதேச கிரிக்கெட்டில் இருந்து உடனடியாக ஓய்வு பெறுவதாக அறிவித்து அதிர்ச்சியை ஏற்படுத்தியுள்ளார்.

உள்ளூர் போட்டியில் ஓ.கே:
சர்வதேச கிரிக்கெட்டில் இருந்து டிவிலியர்ஸ் ஓய்வை அறிவித்த போதும், தொடர்ந்து தென் ஆப்ரிக்காவின் உள்ளூர் கிரிக்கெட்டில் பங்கேற்பேன் என டிவிலியர்ஸ் தெரிவித்துள்ளார்.