லக்மல் வேகத்தில் தடுமாறும் தென் ஆப்ரிக்கா!

லக்மல் வேகத்தில் தடுமாறும் தென் ஆப்ரிக்கா!போர்ட் எலிசபெத்: இலங்கை அணிக்கு எதிரான முதல் டெஸ்டில் 6 விக்கெட்டை இழந்த தென் ஆப்ரிக்க அணி தத்தளித்தது.

தென் ஆப்ரிக்கா சென்றுள்ள இலங்கை அணி, முதலில் 3 டெஸ்ட் போட்டிகள் கொண்ட டெஸ்ட் தொடரில் பங்கேற்கிறது. முதல் டெஸ்ட் போர்ட் எலிசபெத்தில் இன்று துவங்கியது. இதில் ‘டாஸ்’ வென்ற தென் ஆப்ரிக்கா அணி, முதலில் பேட்டிங் தேர்வு செய்தது.

அசத்தல் துவக்கம்:
பின் களமிறங்கிய தென் ஆப்ரிக்க அணிக்கு, குக் (59), எல்கர் (45) அசத்தல் துவக்கம் அளித்தனர். ஆம்லா (20) ஏமாற்றினார். கேப்டன் டுபிளசி (37) நீண்ட நேரம் தாக்குபிடிக்கவில்லை. பாவுமா (3) வந்த வேகத்தில் பெவிலியன் திரும்பினார்.

டுமினி அரைசதம்:
ஒரு முனையில் விக்கெட் சரிந்தாலும் மறுமுனையில் அசத்தலான ஆட்டத்தை வெளிப்படுத்திய டுமினி, அரைசதம் கடந்தார். இவர் 63 ரன்கள் எடுத்த போது ஹெராத் சுழலில் சிக்கினார். தொடந்து வந்த டிகாக், பிளாண்டர் ஆகியோர் ஓரளவு சமாளித்து விளையாட, முதல் நாள் ஆட்டநேர முடிவில், தென் ஆப்ரிக்க அணி, முதல் இன்னிங்சில் 6 விக்கெட்டுக்கு 267 ரன்கள் எடுத்திருந்தது. டிகாக் (25),பிளாண்டர் (6) அவுட்டாகாமல் இருந்தனர்.

இலங்கை அணிக்கு லக்மல் 4 விக்கெட் சாய்த்தார். ஹெராத் 2 விக்கெட் கைப்பற்றினார்.