Breaking: ஒரு இன்னிங்ஸில் 10 விக்கெட்கள்...உலக சாதனை படைத்த அஜாஸ் படேல்: உதவிசெய்த மற்றொரு பௌலர்!

இந்தியா, நியூசிலாந்து இடையில் இரண்டு போட்டிகள் கொண்ட டெஸ்ட் தொடர் நடைபெற்று வருகிறது. கான்பூரில் நடைபெற்ற முதல் போட்டி டிரா ஆன நிலையில், மும்பை வான்கடேவில் இரண்டாவது போட்டி துவங்கி நடைபெற்று வருகிறது. இதில் டாஸ் வென்ற இந்திய அணி முதலில் பேட்டிங் தேர்வுசெய்து முதல் இன்னிங்ஸ் களமிறங்கியது.

இந்திய அணியில் ஓபனர் மயங்க் அகர்வால் 150 (311) ரன்கள் சேர்த்து அசத்தினார். அக்சர் படேலும் தனது பங்கிற்கு 52 ரன்கள் எடுத்தார். இதனால், இந்திய அணி முதல் இன்னிங்ஸில் 325/10 ரன்கள் குவித்தது. நியூசிலாந்து சுழற்பந்து வீச்சாளர் அஜாஸ் படேல் 10 விக்கெட்களையும் கைப்பற்றி உலக சாதனை படைத்தார்.

இவர் 8 விக்கெட்களை நெருங்கிய சமயத்தில், மறுமுனையில் பந்துவீசிய வில்லியம் சோமர்வெல் விக்கெட் விழாத அளவுக்கு மோசமாக பந்துவீசி வந்தார். இதனால்தான், அஜாஸ் படேலால் 10 விக்கெட்களையும் கைப்பற்ற முடிந்தது.
இதற்குமுன் ஜிம் லகெர், அனில் கும்ளே ஆகியோர் மட்டுமே டெஸ்டில் ஒரு இன்னிங்ஸில் 10 விக்கெட்களையும் கைப்பற்றியிருந்தார்கள்.