ரஹானே அசத்தல் சதம்... இரட்டை சதத்தை நெருங்கும் ரோஹித் : திணறும் தென் ஆப்ரிக்க பவுலர்கள்!

இந்தியா, தென் ஆப்ரிக்கா அணிகள் மோதும் மூன்றாவது டெஸ்ட் போட்டி ராஞ்சியில் நடக்கிறது. இதன் முதல் நாள் ஆட்டட்த்தில் இந்திய அணி, முதல் இன்னிங்சில், 3 விக்கெட்டுக்கு 224 ரன்கள் எடுத்திருந்த போது மழை மற்றும் போதிய வெளிச்சமின்மை காரணமாக முதல் நாள் ஆட்டம் முடிவுக்கு வந்தது.

ரஹானே அசத்தல்...
இன்றைய இரண்டாவது நாள் ஆட்டத்தில் முதல் இன்னிங்சை தொடர்ந்த இந்திய அணிக்கு ரோஹித் ஷர்மா தனது பவுண்டரி வேட்டையை தொடர்ந்தார். இவர் ஒருபுறம் அடித்து நொறுக்க, மறுமுனையில், ரஹானே பொறுப்பான ஆட்டத்தை வெளிப்படுத்தினார்.

இருவரும் தென் ஆப்ரிக்க பவுலர்களின் பந்து வீச்சை பதம் பார்த்தனர். இவர்களை பிரிக்க தென் ஆப்ரிக்க அணி பவுலர்கள் எடுத்த அத்தனை முயற்சியும் வீணானது. சிறப்பான ஆட்டத்தை வெளிப்படுத்திய ரஹானே, டெஸ்ட் அரங்கில் தனது 11வது சதத்தை பூர்த்தி செய்தார். ரோஹித் ஷர்மா 150 ரன்களை கடந்தார்.


இரண்டாவது நாள் உணவு இடைவேளைக்கு முன், இந்திய அணி முதல் இன்னிங்சில் 3 விக்கெட்டுக்கு 284 ரன்கள் எடுத்துள்ளது.

3 ஆண்டுக்கு பின்...
இப்போட்டியில் இந்திய வீரர் ரஹானே அடித்த சதம், இந்திய மண்ணில் அவர் விளாசிய 4வது சதமாக அமைந்தது. தவிர, சுமார் 3 ஆண்டுக்கு பின் இந்திய மண்ணில் ரஹானே அடித்த முதல் சதமாக இது அமைந்தது. கடைசியாக ரஹானே இந்திய மண்ணில் கடந்ஹ 2016ல் சதம் அடித்திருந்தார். மேலும் தென் ஆப்ரிக்க அணிக்கு எதிராக ரஹானே அடித்த 3வது சதமாக இது அமைந்தது.


7வது சதம்..
ரஹானே சதம் இந்தியா, தென் ஆப்ரிக்க அணிகள் மோதும் இந்த டெஸ்ட் தொடரில் இந்திய வீரர் அடித்த 7வது சதமாக அமைந்தது. இதன் மூலம் தென் ஆப்ரிக்க அணிக்கு எதிரான டெஸ்ட் தொடரில் இந்திய அணி தனது முந்தைய சாதனையான 6 சதங்கள் (2009/10) என்ற சாதனையை தகர்த்தது.

சச்சின் சாதனை சமன்...
தவிர இப்போட்டியில் ரோஹித் ஷர்மாவுடன் சேர்ந்து 4வது விக்கெட்டுக்கு 200 ரன்களுக்கு மேல் சேர்த்த ரஹானே, ஜாம்பவான் சச்சின் சாதனையை சமன் செய்தார். இந்திய அணியில் 4வது விக்கெட்டுக்கு அதிக முறை 200 ரன்களுக்கு மேல் சேர்த்த வீரர்கள் பட்டியலில் சச்சினின் சாதனையான 5 மு ஐ என்ற சாதனையை ரஹானே (5 முறை ) சதன் செய்தார். இப்பட்டியலில் கங்குலி (3 முறை), கோலி (3 முறை) லட்சுமண் (2 முறை) ஆகியோர் அடுத்த மூன்று இடங்களில் உள்ளனர்.