Virat Kohli: ஒரு போட்டியில் இத்தனை சாதனைகளா? - கோலியின் சாதனைப் பட்டியல்!!

மேற்கிந்தியத் தீவுகள் அணிக்கு எதிரான போட்டியின் போது, குறைந்த போட்டிகளில் 10,000 ரன்களை கடந்த வீரர் என்ற சாதனையைப் படைத்த கோலி, இன்று மட்டும் எத்தனை சாதனைகள் படைத்துள்ளார் தெரியுமா?

இந்தியாவிற்குச் சுற்றுப்பயணம் மேற்கொண்டுள்ள மேற்கிந்தியத் தீவுகள் அணி, 2 டெஸ்ட் போட்டிகள், 5 ஒருநாள் போட்டிகள், 3 டி20 போட்டிகள் கொண்ட தொடரில் பங்கேற்றுள்ளது. இதில், டெஸ்ட் தொடரை இந்திய அணி 2-0 என்ற கணக்கில் வென்று கோப்பையைக் கைப்பற்றியது.

இதையடுத்து, இரு அணிகளுக்கும் இடையேயான முதல் ஒருநாள் போட்டி, கவுகாத்தியில் கடந்த ஞாயிற்றுக்கிழமை நடைபெற்றது. இதில், இந்திய அணி 8 விக்கெட்கள் வித்தியாசத்தில் வெற்றி பெற்றது. இந்திய அணியில் கேப்டன் கோலி 140 ரன்களும், தொடக்க வீரர் ரோஹித் சர்மா 152 ரன்களும் குவித்தனர்.

விராட் கோலி மிரட்டல் சதம்! : வெஸ்ட் இண்டீஸுக்கு 322 ரன் இலக்கை நிர்ணயித்தது இந்தியா

இதைத் தொடர்ந்து, இவ்விரு அணிகளுக்கும் இடையேயான இரண்டாவது ஒருநாள் போட்டி, விசாகப்பட்டினத்தில் இன்று தொடங்கியது. இதில் டாஸ் வென்ற இந்திய அணியின் கேப்டன் விராத் கோலி முதலில் முதலில் பேட்டிங்கைத் தேர்வு செய்தார். இந்திய அணி 50 ஓவர்கள் முடிவில் 6 விக்கெட் இழப்பிற்கு 321 ரன்கள் குவித்தது.

Virat Kohli: 10 ஆயிரம் ரன்களை கடந்து இமாலய சாதனையைப் படைத்தார் விராட் கோலி

இந்திய அணியின் கேப்டன் விராத் கோலி இந்தப் போட்டியில் சதமடித்து, கடைசி வரை அவுட்டாகாமல் 157 ரன்கள் குவித்தார். அவர் 81 ரன்கள் குவித்தப் போது, ஒருநாள் போட்டியில் 10,000 ரன்களைக் கடந்து சாதனைப் படைத்தார். இதுமட்டுமில்லாமல் அவர், பல்வேறு சாதனைகளை இந்தப் போட்டியில் நிகழ்த்தியுள்ளார். அவை இதோ.

-குறைந்த இன்னிங்சில் (205) 10000 ரன்களைக் கடந்து, சச்சினின் (259 இன்னிங்ஸ்) சாதனையை முறியடித்தார்.

-சர்வதேச போட்டிகளில் 10000 ரன்களைக் குவித்த 13வது வீரர்.

-குறைந்த பந்துகளில் சர்வதேச போட்டிகளில் 10000 ரன்களைக் குவித்த வீரர்.

-சர்வதேச போட்டிகளில் 10000 ரன்களைக் குவித்த 5 வது இந்திய வீரர்

-அதிக சராசரியுடன் 10000 ரன்களைக் கடந்த வீரர்

-மேற்கிந்தியத் தீவுகள் அணியுடன் அதிக ரன்கள் குவித்த இந்திய வீரர் என்ற சச்சின் டெண்டுல்கரின் சாதனையை முறியடிப்பு

-குறைந்த இன்னிங்சில் இந்தியாவில் மட்டும் 4000 ரன்களைக் கடந்த வீரர்

-அதிக சராசரியுடன் இந்தியாவில் மட்டும் 4000 ரன்களைக் கடந்த வீரர்

-குறைந்த இன்னிங்சில் (11) ஒரு ஆண்டில் 1000 ரன்களைக் குவித்த வீரர்

-கேப்டனாக குறைந்த இன்னிங்சில் 8000 ரன்களைக் குவித்த வீரர்