இந்தியா-பாக்., கிரிக்கெட் போட்டி: தேசிய கீதம் பாடவுள்ள அமிதாப்

கொல்கத்தா: வரும் மார்ச் 19-ஆம் தேதியன்று கொல்கத்தாவில் இந்தியா மற்றும் பாகிஸ்தான் அணிகளுக்கு இடையே நடக்கவுள்ள டி20 உலககோப்பை கிரிக்கெட் போட்டியின் போது, பிரபல நடிகர் அமிதாப் பச்சன் இந்திய தேசிய கீதத்தை பாடவுள்ளார்.

மார்ச் 19-ஆம் தேதியன்று இந்தியா-பாகிஸ்தான் அணிகளுக்கு இடையேயான டி20 கிரிக்கெட் போட்டி தொடங்கும் முன்னர், அமிதாப் பச்சன் இந்திய தேசிய கீதத்தையும், பிரபல பாகிஸ்தான் பாடகர் ஷாபாத் அமனாத் அலி பாகிஸ்தான் தேசிய கீதத்தையும் பாடவுள்ளனர்.

பெங்கால் கிரிக்கெட் குழு (சிஏபி) இச்செய்தியை உறுதி செய்த்துள்ளார். மேலும், அமிதாப்பச்சன் தனது டிவிட்டர் வலைதளத்தில் இச்செய்தியை பகிர்ந்துள்ளார். தான் இந்தியா-பாகிஸ்தான் போட்டிக்கு சென்று போட்டியின் துவக்கத்திற்கு முன்னர் இந்திய தேசிய கீதத்தை பாட இசைவு தெரிவித்துள்ளதையும் அவர் குறிப்பிட்டுள்ளார்.

@SrBachchan to sing national anthem in India-Pakistan World T20 clash. pic.twitter.com/J5MbVFsOE8— Amitabh Bachchan FC (@Thekkapoor) March 15, 2016