இந்தியா, வங்கதேச ஃபைனல்... இவங்க தான் ஹீரோக்கள்.....

ஆசியக் கோப்பைக் கிரிக்கெட் போட்டி ஐக்கிய அரபு எமிரகத்தில் நடக்கிறது. இதில் இந்தியா, இலங்கை, பாகிஸ்தான், வங்கதேசம், ஆப்கானிஸ்தான், ஹாங்காங் உள்ளிட்ட 6 அணிகள் இந்தத் தொடரில் பங்கேற்கிறது.

இதில் ‘சூப்பர் ஃபோர்’ சூற்றின் முடிவில், இந்தியா, வங்கதேச அணிகள் ஃபைனலுக்கு முன்னேறின. இதில் சாதிக்க காத்திருக்கும் சில வீரர்கள் பற்றி பார்க்கலாம்.

ரோகித் சர்மா:
ஒருமுறை ரன்கள் சேர்க்க துவங்கிவிட்டால் இவரை தடுப்பது கடினமான விஷயம். இந்த ஆசிய கோப்பை தொடரில் அதிக ரன்கள் சேர்த்த வீரர்கள் பட்டியலில் மூன்றாவது இடத்தில் ரோகித் சர்மா உள்ளார்.

ஷிகர் தவான்:
ஆசிய கோப்பை தொடரில் 2 சதம் உட்பட 4 இன்னிங்சில் மொத்தமாக 327 ரன்கள் எடுத்துள்ளார். இவர் நிச்சயமாக வங்கதேச பந்துவீச்சை ஒரு கைபார்ப்பார் என்பதில் சந்தேகம் இல்லை.

முஸ்தபிசுர் ரஹ்மான்:
ஆசிய கோப்பை தொடரின் துவக்கத்தில் சொதப்பலாக செயல்பட்ட போதும், பாகிஸ்தான் அணிக்கு எதிரான முக்கியமான போட்டியில், மீண்டும் பார்முக்கு வந்தார். இதனால் இவர் இந்திய பேட்ஸ்மேன்களுக்கு கடும் சவாலாக அமைவார்.

பும்ரா:
வங்கதேச அணியில் உள்ள முஸ்தபிசுர் ரஹ்மானுக்கு எவ்விதத்திலும் குறையாத யார்க்கர் மன்னன் பும்ரா. இவரை வங்கதேச பேட்ஸ்மேன்களுக்கு நிச்சயமாக தலைவலியாக அமையும்.

முஷ்பிகுர் ரஹீம்:
முன்னாள் வங்கதேச அணி கேப்டன் முஷ்பிகுர் ரஹீம், அந்த அணியின் வெற்றிக்கு முக்கியமான தூணாக உள்ளார். விக்கெட் வீழ்ச்சியின் போது, நங்கூரமாக நின்று எதிரணி வீரர்களை எளிதாக சமாளிப்பதில் கில்லாடி. இதனால் இவரை இந்திய பவுலர்கள் விரைவாக வெளியேற்றுவது அவசியம்.

ரவிந்திர ஜடேஜா:
இந்த தொடரில், ரவிந்திர ஜடேஜா பேட்டிங்கில் பெரிய அளவில் கைகொடுக்கவில்லை என்றாலும் பவுலிங், பீல்டிங்கில் இந்திய அணிக்கு பெரும் உதவியாக உள்ளார். இதனால், வங்கதேச அணிக்கு சிக்கல் உறுதி.