34 வருடங்களில் இல்லாத அளவுக்கு அடிவாங்கிய ஆஸ்திரேலியா - ரேங்கில் படுமோசம்

34 வருடங்களில் காணாத அளவுக்கு அடிவாங்கி தரவரிசையில் அதலபாதாளத்துக்கு ஆஸ்திரேலியா அணி சென்றுள்ளது.

ஆஸ்திரேலியா அணி 2015ம் ஆண்டு நடந்த உலகக் கோப்பை கிரிக்கெட் போட்டியில் கோப்பையை வென்று நடப்பு சாம்பியனாக உள்ளது. 2019ம் ஆண்டு அடுத்த உலகக் கோப்பை வர நடக்க உள்ள நிலையில், ஆஸ்திரேலியா அணி எதிர்பார்க்காத அளவுக்கு பெரும் பின்னடைவை சந்தித்துள்ளது.

இன்று ஐசிசி கிரிக்கெட் தரவரிசை வெளியிடப்பட்டது. தரவரிசையில் இங்கிலாந்து முதலிடத்திலும், இந்தியா இரண்டாவது இடத்திலும், தெ.ஆ, நியூசிலாந்து, பாகிஸ்தான் முறையே 3,4,5வது இடத்தை பிடித்துள்ளது.

ஆஸி மோசமான சாதனை :
34 வருடங்களில் இல்லாத அளவிற்கு ஆஸ்திரேலியா ஒருநாள் கிரிக்கெட் தரவரிசையில் 6வது இடத்திற்க்கு பின்னுக்குத் தள்ளப்பட்டுள்ளது.
2017ல் நடந்த சாம்பியன்ஸ் டிரோபி கிரிக்கெட் போட்டியில் ஆஸ்திரேலியா தோல்வியடைந்தது முதல், ஆஸிக்கு இறங்கு முகமாக தான் உள்ளது.

தென் ஆப்ரிக்காவுடன் 5-0 என தோல்வியை தொடர்ந்து, நியூசிலாந்தை 3-0, பாகிஸ்தானை 4-1 என வென்றது. பின்னர் 15 போட்டிகளில் 13 போட்டிகளில் தோல்வியடைந்துள்ளது. இதனால் ஆஸ்திரேலியா 34 வருடங்களில் இல்லாத அளவிற்கு 6வது இடத்திற்கு தள்ளப்பட்டுள்ளது.