ICC womens world t20: இந்தியாவுக்கு எதிராக தோல்வியும், அபராதமும் பெற்ற ஆஸ்திரேலியா பெண்கள் அணி

இந்தியாவுக்கு எதிரான பெண்கள் உலகக் கோப்பை டி20 லீக் போட்டியின் போது ஆஸ்திரேலியா அணி பந்துவீச அதிக நேரம் எடுத்துக் கொண்டதாக அபராதம் விதிக்கப்பட்டுள்ளது.

வெஸ்ட் இண்டீஸில் நடைப்பெற்று வரும் பெண்களுக்கான உலகக் கோப்பை டி20 கிரிக்கெட் போட்டியில் நேற்று முன்தினம் இந்தியா - ஆஸ்திரேலியா அணிகள் மோதின. இதில் இந்தியா 48 ரன்கள் வித்தியாசத்தில் அபார வெற்றி பெற்றது.

ஆஸ்திரேலியாவுக்கு அபராதம்:
இந்த போட்டியில் டாஸ் வென்ற இந்தியா முதலில் பேட்டிங் செய்தது. இந்தியாவின் மந்தனா, ஹர்மன்ப்ரீத் கவுரின் அதிரடியால் திணறியது.
இதனால் பந்துவீச ஆஸ்திரேலியா அணி ஒதுக்கப்பட்ட நேரத்தை விட ஒரு ஓவர் வீசும் நேரம் அதிகமாக எடுத்துக் கொண்டது


20% அபராதம் :
இதன் காரணமாக ஆஸ்திரேலியா பெண்கள் அணி கேப்டன் மெக் லென்னினுக்கு போட்டி சம்பளத்தில் 20% அபாராதமும், அணியின் மற்ற வீராங்கனைகளுக்கு 10% சம்பளம் அபராதமாகவும் விதிக்கப்பட்டுள்ளது.

அதோடு ஐசிசி விதிமுறைப்படி, இதே தவறு அடுத்த 12 மாதங்களில் செய்தால் ஆஸ்திரேலியா கேப்டன் மெக் லென்னினுக்கு ஒரு போட்டியில் விளையாட தடைவிதிக்கப்படும் என கூறப்பட்டுள்ளது.