மீண்டும் மரண அடி வாங்கிய ஆஸி., : இங்கிலாந்து ‘ஈசியான’ வெற்றி!

பிரிஸ்பேன்: ஸ்திரேலிய அணிக்கு எதிரான இரண்டாவது ஒருநாள் போட்டியில் இங்கிலாந்து அணி 4 விக்கெட் வித்தியாசத்தில் அசத்தல் வெற்றி பெற்றது.

ஆஸ்திரேலியா சென்றுள்ள 5 ஒருநாள் போட்டிகள் கொண்ட தொடரில் பங்கேற்கிறது. முதல் ஒருநாள் போட்டியில் இங்கிலாந்து வென்றது. இரு அணிகள் மோதிய இரண்டாவது ஒருநாள் போட்டி பிரிஸ்பேனில் நடந்தது. இதில் ‘டாஸ்’ வென்ற ஆஸ்திரேலிய அணி கேப்டன் ஸ்டீவ் ஸ்மித், முதலில் ‘பேட்டிங்’ தேர்வு செய்தார்.

பின்ச் பிரமாதம்:
இதையடுத்து களமிறங்கிய ஆஸ்திரேலிய அணிக்கு துவக்க வீரர் வார்னர் (35) நீண்ட நேரம் தாக்கு பிடிக்கவில்லை. மற்றொரு துவக்க வீரர் பின்ச் (106) சதம் அடித்து கைகொடுத்தார். பின் வந்த ஸ்மித் (18), ஹெட் (7), மார்ஷ் (36), கேரி (27) யாரும் தாக்குபிடிக்கவில்லை. இதையடுத்து ஆஸ்திரேலிய அணி 50 ஓவரில் 9 விக்கெட்டுக்கு 270 ரன்கள் எடுத்தது.

ரூட் நம்பிக்கை:
கடின இலக்கை துரத்திய இங்கிலாந்து அணிக்கு, பேரிஸ்டோவ் (60), ஹேல்ஸ் (57), ஜோ ரூட் (46*), பட்லர் (42), வோக்ஸ் (39*) ஆகியோர் கைகொடுக்க, இங்கிலாந்து அணி 44.2 ஓவரில் 6 விக்கெட்டுக்கு 274 ரன்கள் எடுத்து 4 விக்கெட் வித்தியாசத்தில் வெற்றி பெற்றது.

2
இந்த வெற்றியின் மூலம் இங்கிலாந்து அணி 2-0 என ஒருநாள் தொடரில் முன்னிலை பெற்றுள்ளது.

1
இதன் மூலம் காபா மைதானத்தில் அதிகரன்களை வெற்றிகரமாக சேஸ் செய்த அணிகள் வரிசையில் இங்கிலாந்து அணி இரண்டாவது இடம் பிடித்தது. முன்னதாக வெஸ்ட் இண்டீஸ் அணி அதிகபட்சமாக கடந்த 1997ல் 282 ரன்கள் என்ற இலக்கை வெற்றிகரமாக சேஸ் செய்தது.

83
இப்போட்டியில் சதம் விளாசிய ஆஸ்திரேலிய வீரர் பின்ச், ஒருநாள் அரங்கில் 10வது சதத்தை பூர்த்தி செய்தார். இதன்மூலம் குறைந்த இன்னிங்சில் 10 சதங்களை விளாசிய ஆஸ்திரேலிய பேட்ஸ்மேன் (83 இன்னிங்ஸ்) என்ற பெருமை பெற்றார்.

* தவிர, சர்வதேச அளவில் குறைந்த இன்னிங்சில் 10 சதங்களை எட்டிய வீரர்கள் பட்டியலில் பின்ச் 5வது இடம் பிடித்தார்.

#AUSvENG England (274/6) beat Australia (270/9) in 2nd ODI to take 2-0 lead