இவரால என் பெயரையே மாற்ற வேண்டியதாச்சு - ரகசியத்தை சொன்ன அக்ஸர் படேல்

இந்திய கிரிக்கெட் வீரர் அக்ஸர் படேல் தன் பெயர் AKSHAR PATELல் இருந்து AXAR PATEL ஆக எப்படி மாறியது என விளக்கமளித்துள்ளார்.

ஆஸ்திரேலியாவுக்கு எதிராக 5 போட்டிகளில் 3 போட்டிகள் நிறைவடைந்துள்ள நிலையில், மீதமுள்ள 2 போட்டியில் விளையாடும் வீரர்களின் பட்டியல் பிசிசிஐ இரு தினங்களுக்கு முன் வெளியிட்டது

இதில் ஜடேஜாவை நீக்கி விட்டு அக்ஸர் படேல் சேர்க்கப்பட்டார். இந்நிலையில் அக்ஸர் படேல் தன் பெயர் உண்மையில் AXAR PATEL இல்லை, AKSHAR PATEL என விளக்கமளித்துள்ளார்.

அக்ஸர் படேல் கூறியதாவது:
நான் 19வயதுக்குட்பட்டோருக்கான உலகக் கோப்பை கிரிக்கெட் போட்டியில் பங்கேற்க தயாராகிக்கொண்டிருந்தேன். அதற்காக பாஸ்போர்ட் வாங்கவேண்டியது இருந்தது. அதனால் பள்ளியிலிருந்து சான்றிதழ் தேவைப்பட்டது. அப்போது நான் பெங்களூருவில் இருந்ததால், என் தந்தை பள்ளிக்கு சென்று சான்றிதழை வாங்கி வந்தார்.

அந்த சான்றிதழில் எனது பெயர் AKSHAR PATELல் என்று போடுவதற்கு பதிலாக பள்ளி முதல்வர் AXAR PATEL என எழுதியிருந்தார். அவசர அவசரமாக அந்த சான்றிதழ் பெற்றதால் என்னால் பெயரை மாற்ற முடியவில்லை.

பின்னர் AXAR PATEL என்ற பெயரிலேயே பாஸ்போர்ட் எடுத்தேன். அதன் பின்னர் வேறு வழியில்லாமல் டிரைவின் லைசென்ஸிலும் என் பெயர் AXAR PATEL என்றே வாங்கினேன். இப்படி ஒரு இடத்தில் என் பெயர் மாறியதால் தற்போது முற்றிலுமாக மாறிவிட்டது என் கூறியுள்ளார்.