ஜசிசி தரவரிசை: கோலி, பும்ராவுக்கு பின்னடைவை…முதலிடத்தை பிடித்த பாகிஸ்தான் கேப்டன்!

ஐசிசி தரவரிசைப் பட்டியல் தற்போது வெளியாகியுள்ளது. இங்கிலாந்துக்கு எதிராக நேற்று நடைபெற்ற கடைசி ஒருநாள் போட்டியில் பாகிஸ்தான் கேப்டன் பாபர் அசாம் 158 ரன்கள் குவித்த நிலையில், அவர் 873 புள்ளிகள் பெற்று ஒருநாள் பேட்ஸ்மேன் தரவரிசையில் முதலிடம் பிடித்துள்ளார். இதனால், முதலிடத்தில் இருந்த இந்திய அணிக் கேப்டன் விராட் கோலி 857 புள்ளிகளும் இரண்டாவது இடத்திற்குத் தள்ளப்பட்டுள்ளார்.

இந்திய அணி துணைக் கேப்டன் ரோஹித் ஷர்மா (825) மூன்றாவது இடத்தில் நீடிக்கிறார். மற்ற எந்த இந்திய பேட்ஸ்மேன்களும் முதல் 10 இடங்களுக்குள் வரவில்லை.

ஒருநாள் தரவரிசையில், பந்துவீச்சைத் பொறுத்தவரை டிரன்ட் போல்ட் (737) முதலிடத்தில் நீடிக்கிறார். அவரைத் தொடர்ந்து வங்கதேசத்தில் மெகிடி ஹசன் (713), கிறிஸ் ஓக்ஸ் (711) ஆகியோர் இருக்கிறார்கள். 5ஆவது இடத்தில் நீடித்த ஜஸ்பரீத் பும்ரா (690), ஒரு இடம் இறங்கம் கண்டுள்ளார். மற்ற எந்த இந்திய பௌலரும் முதல் 10 இடங்களில் இல்லை.

டெஸ்ட் கிரிக்கெட், பேட்டிங் தரவரிசையைப் பொறுத்தவரை கேன் வில்லியம்சன் முதலிடத்திலும் ஸ்டீவன் ஸ்மித் இரண்டாவது இடத்திலும் நீடிக்கிறார்கள். இந்திய அணிக் கேப்டன் விராட் கோலி தொடர்ந்து 4ஆவது இடத்தை தொடர்ந்து தக்கவைத்துள்ளார். பந்துவீச்சாளர்கள் தரவரிசையில் பாட் கம்மின்ஸ் (908) முதலிடத்திலும், ரவீந்திர ஜடேஜா (865) இரண்டாவது இடத்திலும் இருக்கிறார்கள்.