Asia Cup 2022: ‘வங்கதேச அணி அறிவிப்பு’…17 குட்டிப் புலிகளுக்கு இடம்: 5 வருசத்துக்கு பிறகு கேப்டன் ரிட்டர்ன்!

நடக்கவிருக்கும் ஆசிய கோப்பை, டி20 உலக கோப்பைக்கான வங்கதேச கிரிக்கெட் அணி அறிவிக்கப்பட்டுள்ளது. ஆசியக் கோப்பை மற்றும் டி20 உலகக் கோப்பைக்கான வங்கதேச கிரிக்கெட் அணியின் கேப்டனாக ஆல்-ரவுண்டர் ஷகிப் அல் ஹசன் 5 வருடங்களுக்கு பிறகு நியமிக்கப்பட்டுள்ளார்.

ஷகிப் அல் ஹசன் கேப்டன்

வரும் ஆகஸ்ட் 27 தேதி தொடங்கி, ஐக்கிய அரபு அமீரகத்தில் நடைபெறும் ஆசிய கோப்பைக்கான 17 பேர் கொண்ட அணியையும் வங்கதேச கிரிக்கெட் வாரியம் அறிவித்துள்ளது. 5 வருடங்களுக்கு பிறகு ஆல் ரவுண்டர் ஷகிப் அல் ஹசன் நடக்கவிருக்கும், ஆசியக் கோப்பையில் வங்காளதேச அணியை வழிநடத்துவது மட்டுமல்லாமல், பாகிஸ்தான், நியூசிலாந்து அணிகளுக்கு இடையேயான முத்தரப்பு டி20 கிரிக்கெட் தொடரையும், தொடர்ந்து ஆஸ்திரேலியாவில் நடக்கவிருக்கும் 2022 டி20 உலகக் கோப்பையில் விளையாடும் வங்கதேச அணியையும் ஷகிப் அல் ஹசன் கேப்டனாக இருந்து வழிநடத்த உள்ளார்.

வங்கதேச அணியில் அனாமுல் ஹக், முஷ்பிகுர் ரஹீம், அஃபிஃப் ஹொசைன், மொசாடெக் ஹொசைன், மஹ்முதுல்லா, மெஹிதி ஹசன் மிராஸ், தஸ்கின் அகமது மற்றும் முஸ்தபிசுர் ரஹ்மான் போன்ற முன்னணி வீரர்கள் இடம்பெற்றுள்ளனர்.

போட்டிகளில் தடை செய்யப்பட்ட ஷகிப் அல் ஹசன்

ஷகிப் அல் ஹசன் சூதாட்ட போட்டிக்கான விளம்பரத்தில் நடித்ததால் போட்டிகளில் விளையாட தடை செய்ய பட்டு மீண்டும் அணியில் சேர்க்கப்பட்டார். தொடர்ந்து சில நாட்களுக்கு முன்பு, சூதாட்ட போட்டிக்கான விளம்பரத்தில் நடித்தது சர்ச்சைக்குள்ளானது. சூதாட்ட போட்டிக்கான விளம்பரத்தில் நடிக்க வங்கதேசத்தில் தடை செய்யப்பட்டுள்ளதால், ஷகிப் அல் ஹசன் நீக்க படுவார் என்று பெரிதும் எதிர்பார்க்கப்பட்டார். ஆனால் அவர் கேப்டனாக அறிவிக்கப்பட்டுள்ளது, ரசிகர்கள் மத்தியில் வியப்பை ஏற்படுத்தியுள்ளது. இது பற்றி வங்க தேச கிரிக்கெட் வாரியம் தரப்பில் கூறியிருப்பதாவது.

தவரை ஒப்புக்கொண்ட ஷகிப் அல் ஹசன்

"ஷாகிப் தனது தவறை ஒப்புக்கொண்டார், அவர் தவறு செய்திருந்தாலும் எங்கள் அணிக்கு முக்கியமானவர்," என்று வங்கதேச கிரிக்கெட் வாரிய தலைவர் ஜலால் யூனுஸ் தனியார் சேனலுக்கு கூறியுள்ளார்.

“அவர் வங்கதேச அணியின் முன்னணி வீரர். ஷாகிப்பை கேப்டனாக நாங்கள் முன்பே முடிவு செய்திருந்தோம், எனவே நாங்கள் அதை தொடந்து கடைபிடிக்கிறோம். ஷாகிப் சூதாட்ட போட்டிக்கான விளம்பரத்தில் நடித்தது, ஒரு ஆன்லைன் செய்தி இணையதளம் என்று நினைத்து தான் நடித்தார். அவர் தான் தவறாக வழிநடத்தப்பட்டதையும் உணர்ந்துள்ளார். விளம்பரத்திற்க்கான ஒப்பந்தத்தை நிறுத்திவிடதாகவும் கூறியுள்ளார். அவர் மீண்டும் அதை செய்ய மாட்டார் என்று நாங்கள் நம்புகிறோம். இனிமேல் இதுபோன்ற தவறை செய்ய வேண்டாம் என்று உத்தரவிட்டுள்ளோம் என்று கூறினார்.

ஆசிய கோப்பைக்கான வங்காளதேச அணி

ஷகிப் அல் ஹசன் (கேப்டன்), அனாமுல் ஹக், முஷ்பிகுர் ரஹீம், அபிஃப் ஹொசைன், மொசாடெக் ஹொசைன், மஹ்முதுல்லா, மஹேதி ஹசன், முகமது சைபுதீன், ஹசன் மஹ்மூத், முஸ்தாபிசுர் ரஹ்மான், நசும் அகமது, சபீர் ரஹ்மான், மெஹிதி ஹசன் மிராஸ், எபடோட் ஹொசைன், பர்வேஸ் ஹொசைன் எமன், நூருல் ஹசன் சோஹன் மற்றும் தஸ்கின் அகமது.