பிசிசிஐ தலைவர் கங்குலிக்கு திடீர் நெஞ்சு வலி; மருத்துவமனையில் அவசர அனுமதி!

கிரிக்கெட் உலகில் தவிர்க்க முடியாத வீரராக வலம் வந்தவர் சவுரவ் கங்குலி. மேற்குவங்கத்தைச் சேர்ந்த இவர், இந்திய கிரிக்கெட் அணியின் கேப்டனாக பல்வேறு போட்டிகளில் அணியை வெற்றிப் பாதைக்கு அழைத்துச் சென்றுள்ளார். தற்போது இவர் பிசிசிஐ தலைவராக பதவி வகித்து வருகிறார். மேற்குவங்க மாநிலத்தில் அடுத்த சில மாதங்களில் சட்டமன்ற தேர்தல் நடைபெறவுள்ளது. மம்தா பானர்ஜி தலைமையிலான திரிணாமூல் காங்கிரஸ் ஆட்சியை வீழ்த்த பாஜக தீவிரம் காட்டி வருகிறது. இதற்காக கிரிக்கெட் ஜாம்பவான் சவுரவ் கங்குலியை முதல்வர் வேட்பாளராக களமிறக்கி அதிரடி அரசியல் செய்ய பாஜக திட்டமிட்டுள்ளதாக தகவல்கள் வெளியாகின.

ஆனால் தனக்கு அரசியலில் சேரும் எண்ணம் இல்லை என்பதை கங்குலி தெளிவுபடுத்தி இருக்கிறார். இதற்கிடையில் மேற்குவங்க ஆளுநர் ஜக்தீப் தங்கரை கங்குலி சந்தித்ததும் பேசுபொருளாக மாறியது. இதுதொடர்பாக தனது ட்விட்டரில் பதிவிட்டிருந்த ஆளுநர், பிசிசிஐ தலைவர் தாதா கங்குலி உடன் உரையாடியது மிகுந்த மகிழ்ச்சி. பல்வேறு விஷயங்கள் குறித்து ஆலோசித்தோம்.

ஆஸி வீரரால் அவமானப்பட்ட கவாஸ்கர்... 1981-ல் நடந்த சம்பவம்!
அவரது அழைப்பை ஏற்று ஈடன் கார்டன் மைதானத்திற்கு வர சம்மதம் தெரிவித்ததாக குறிப்பிட்டிருந்தார். இந்நிலையில் இன்று (ஜனவரி 2) பிற்பகல் சவுரவ் கங்குலிக்கு திடீரென நெஞ்சு வலி ஏற்பட்டுள்ளது. உடனே கொல்கத்தாவில் உள்ள உட்லேண்ட்ஸ் மருத்துவமனையில் சிகிச்சைக்காக அனுமதிக்கப்பட்டுள்ளார். இதுதொடர்பாக மருத்துவமனை வட்டாரம் கூறுகையில், கங்குலி ஆபத்தான கட்டத்தில் இருந்து மீண்டு வந்துவிட்டார்.

ஆனால் ஆஞ்சியோ பிளாஸ்டி சிகிச்சை தேவைப்படலாம் என்று தெரிவித்துள்ளனர். இந்நிலையில் கங்குலி விரைவில் மீண்டு வரவேண்டும் என்று சமூக வலைதளங்களில் பலரும் பதிவிட்டு வருகின்றனர். குறிப்பாக ’தாதா’ என்ற ஹேஷ்டேக் வைரலாகி வருகிறது.

தனுஷை வைத்து ஆயிரத்தில் ஒருவன் 2 படத்தை இயக்கும் செல்வராகவன்
விரைவில் சையத் முஷ்டாக் அலி கோப்பை கிரிக்கெட் தொடர் தொடங்கவுள்ளது. இதற்கான ஏற்பாடுகள் குறித்து கடந்த டிசம்பர் 30ஆம் தேதி கொல்கத்தாவில் உள்ள ஈடன் கார்டன் மைதானத்திற்கு சென்று கங்குலி ஆய்வு செய்தது குறிப்பிடத்தக்கது.