இந்திய அணிக்கு பி.சி.சி.ஐ., வாழ்த்து!

செயிண்ட் லூசியா: வெஸ்ட் இண்டீஸ் அணிக்கு எதிரான மூன்றாவது டெஸ்டில் வெற்றி பெற்ற இந்திய அணிக்கு பி.சி.சி.ஐ., வாழ்த்து தெரிவித்துள்ளது.

வெஸ்ட் இண்டீஸ் சென்றுள்ள இந்திய அணி, 4 போட்டிகள் கொண்ட டெஸ்ட் தொடரில் பங்கேற்கிறது. இதன் மூன்றாவது டெஸ்டில் இந்திய அணி, அசத்தல் வெற்றி பெற்றது. இதற்காக இந்திய வீரர்களுக்கு பி.சி.சி.ஐ.,வாழ்த்து தெரிவித்துள்ளது.

இதுகுறித்து பி.சி.சி.ஐ., தலைவர் அனுராக் தாகூர் கூறியது:

இந்திய அணியில் இடம்பெற்றுள்ள, எல்லா வீரர்களுக்கும் பாராட்டை தெரிவித்துக்கொள்கிறேன். தவிர, கேப்டன் கோஹ்லிக்கும், பயிற்சியாளர் அனில் கும்ளேவுக்கு வாழ்த்து தெரிவித்துக்கொள்கிறேன். இந்திய அணி செய்துள்ளது மிகச்சிறந்த சாதனையாகும்.
இவ்வாறு தாகூர் கூறினார்.