ஆப்நகரம்

Ind vs Eng: ‘5ஆவது டெஸ்ட்’ எப்போது நடைபெறும்? அதற்கு சாத்தியம் இருக்கிறதா? பிசிசிஐ விளக்கம்!

ரத்து செய்யப்பட்ட 5ஆவது டெஸ்ட் போட்டி குறித்து பிசிசிஐ செயலர் ஜெய் ஷா விளக்கமளித்துள்ளார்.

Samayam Tamil 11 Sep 2021, 3:21 pm
இந்தியா, இங்கிலாந்து இடையில் 5 போட்டிகள் கொண்ட டெஸ்ட் தொடர் நடைபெற்று வருகிறது. இதில் நான்காவது போட்டி செப்டம்பர் 2ஆம் தேதி துவங்கிய நிலையில், அதற்கு முந்தைய தினம் மாலை, பயிற்சியாளர் ரவி சாஸ்திரிக்கு கொரோனா உறுதி செய்யப்பட்டது. இதனால், போட்டி நடைபெறுவதில் சிக்கல் எழுந்த நிலையில், அதிர்ஷ்டவசமாக வீரர்கள் யாருக்கும் கொரோனா உறுதியாகவில்லை. போட்டியில் கலந்துகொண்ட இந்திய அணி 157 ரன்கள் வித்தியாசத்தில் அபார வெற்றிபெற்றது.
Samayam Tamil ஜெய் ஷா


இந்நிலையில், 5ஆவது டெஸ்ட் துவங்குவதற்கு முன்தினம், இந்திய அணி பிசியோவுக்கு கொரோனா உறுதியானதால் வீரர்களின் பாதுகாப்பைக் கருத்தில்கொண்டு முதல் இரண்டு நாட்களின் ஆட்டம் ரத்து செய்யப்படுவதாக அறிவிக்கப்பட்டு, பிறகு போட்டி முழுவதுமாக ரத்து செய்யப்படுவதாக அறிவிக்கப்பட்டது. இருப்பினும், ஒத்திவைக்கப்பட்ட இந்த போட்டி பின்னாட்களில் நிச்சயம் நடைபெறும் என பிசிசிஐ தரப்பிலிருந்து தகவல் கசிந்தது.

T20 World Cup 2021: இதுக்காக தான் அஸ்வின சேத்தாங்களா? வித்தியாசமான காரணத்தை கூறும் கவாஸ்கர்!

ஜெய் ஷா பேட்டி:

இந்நிலையில் இந்த விவகாரம் குறித்து பிசிசிஐ செயலர் ஜெய் ஷா கருத்து தெரிவித்துள்ளார். “5ஆவது டெஸ்ட் போட்டியை நடத்துவதற்கு பிசிசிஐ, இங்கிலாந்து கிரிக்கெட் வாரியம் இடையில் பலகட்ட பேச்சு வார்த்தை நடைபெற்றது. இருப்பினும், வீரர்களின் பாதுகாப்பு உறுதிசெய்யப்பட முடியாது என்ற காரணத்தினால், போட்டியை ரத்து செய்துள்ளோம். இப்போட்டியை மீண்டும் நடத்த இரு தரப்பும் முன்வந்துள்ளது. இதுகுறித்து விரைவில் பேச்சு வார்த்தை நடத்தப்பட்டு, பின்னர் தேதி அறிவிக்கப்படும்” எனத் தெரிவித்தார்.

மேலும் பேசிய ஜெய் ஷா, “எக்காரணம் கொண்டு வீரர்களின் பாதுகாப்பில் சமரசம் செய்துகொள்ள நாங்கள் தயாராக இல்லை. இங்கிலாந்து கிரிக்கெட் வாரியமும்தான். இதனால்தான் போட்டி ரத்து செய்யப்பட்டுள்ளது. இங்கிலாந்து கிரிக்கெட் வாரியம் முடிந்த அளவுக்குச் சிறப்பான ஒத்துழைப்பு தந்தார்கள். ரசிகர்களின் ஏமாற்றத்திற்கு எங்களது வருத்தங்களைத் தெரிவித்துக்கொள்கிறோம்” எனக் கூறினார்.

‘7-ம் எண் ஜெர்ஸி’ தோனிக்கு முன், அணிந்து விளையாடிய இந்திய ‘டான்’ பௌலர்…யார் தெரியுமா?

5ஆவது டெஸ்ட் போட்டியை நடத்துவது தொடர்பாக விரைவில், ஜெய் ஷா இங்கிலாந்து கிரிக்கெட் வாரிய நிர்வாகிகளுடன் பேச்சு வார்த்தை நடத்துவார் என பிசிசிஐ தெரிவித்துள்ளது. இந்நிலையில், 5ஆவது டெஸ்ட் போட்டியை நடத்த பிசிசிஐ நடவடிக்கை மேற்கொண்டு வருவதற்கு சுனில் கவாஸ்கர் போன்றவர்கள் வரவேற்பு தெரிவித்துள்ளனர்.

ஐபிஎல் தொடர் இன்னும் சில தினங்களில் துவங்கவுள்ளது. அடுத்து, டி20 உலகக் கோப்பை தொடர் நடைபெறவுள்ளது. இதனைத் தொடர்ந்து இந்தியா, நியூசிலாந்து இடையில் டெஸ்ட் தொடரும் நடக்கவுள்ளது. இங்கிலாந்து அணியும் ஆஷஸில் விளையாடவுள்ளது. இதனால், இந்தாண்டில் 5ஆவது டெஸ்ட் போட்டியை நடத்துவது கடினம் என கிரிக்கெட் விமர்சகர்கள் கருதுகிறார்கள் என்பது குறிப்பிடத்தக்கது.

அடுத்த செய்தி

டிரெண்டிங்