சவுத்தி அசத்தல்
நியூசிலாந்து சென்றுள்ள இங்கிலாந்து கிரிக்கெட் அணி இரண்டு டெஸ்ட் போட்டிகள் கொண்ட தொடரில் பங்கேற்கிறது. இதன் முதல் டெஸ்ட் போட்டி மவுண்ட் மான்கானியில் நடக்கிறது. இதன் முதல் நாள் ஆட்டநேர முடிவில், இங்கிலாந்து அணி முதல் இன்னிங்சில் 4 விக்கெட்டுக்கு 241 ரன்கள் எடுத்துள்ளது. ஸ்டோக்ஸ் 67, போப் 18 அவுட்டாகாமல் இருந்தனர்.
கோட்டைவிட்ட ஸ்டோக்ஸ்..
இன்றைய இரண்டாவது நாள் ஆட்டத்தில் முதல் இன்னிங்சை தொடர்ந்த இங்கிலாந்து அணிக்கி, ஸ்டோக்ஸ் 91 ரன்கள் எடுத்த போது சவுத்தி வேகத்தில் அவுட்டானார். போப் (29) நீண்டநேரம் தாக்குபிடிக்கவில்லை. அடுத்து வந்த சாம் கரன் டக் அவுட்டானார்.
இனி ‘தல’ தோனி கதை அவ்வளவு தான் போலயே... அணிக்கு திரும்பிய புவனேஷ்வர், ஷமி...!
பட்லர் ஆறுதல்
தொடர்ந்து வந்த ஆர்ச்சர் (4) நிலைக்கவில்லை. ஒருபுறம் விக்கெட் சரிந்தாலும் மறுபுறம் நிதானமான ஆட்டத்தை வெளிப்படுத்திய பட்லர் (43) ஓரளவு கைகொடுத்தார். பின் ஸ்டுவர்ட் பிராட் (1) வந்த வேகத்தில் பெவிலியன் திரும்ப, இங்கிலாந்து அணி முதல் இன்னிங்சில் 353 ரன்களுக்கு ஆல் அவுட்டானது.
சாம் கரன் அபாரம்
இதையடுத்து முதல் இன்னிங்சை தொடர்ந்த நியூசிலாந்து அணிக்கு, ஜீத் ரவால் (19) டாம் லேதம் (8) சுமாரான துவக்கம் அளித்தனர். அடுத்து வந்த கேப்டன் வில்லியம்சன் (51) அரைசதம் கடந்து அவுட்டானார். பின்வந்த அனுபவ டெய்லர் (25) நிலைக்கவில்லை.
மாற்றம் இல்லாமல் களமிறங்கும் இந்திய அணி… வங்கதேச அணி பேட்டிங்!
209 ரன்கள்
பின் இணைந்த ஹென்ரி நிகோலஸ், வாட்லிங் ஜோடி இங்கிலாந்து பவுலர்களை சமாளித்து ஆட, இரண்டாவது நாள் ஆட்டநேர முடிவில் நியூசிலாந்து அணி முதல் இன்னிங்சில் 4 விக்கெட்டுக்கு 144 ரன்கள் எடுத்து 209 ரன்கள் பின்தங்கியுள்ளது.
பயன்படுத்தாத லேதம்
இப்போட்டியில் இங்கிலாந்து வீரர் சாம் கரன் வீசிய போட்டியின் எட்டாவது ஓவரில், நியூசிலாந்து வீரர் லேதம் எல்.பி.டபிள்யு. முறையில் வெளியேறினார். ஆனால் லேதம் ரிவியூவை பயன்படுத்தவில்லை. ரீப்ளேவில் பந்து பேட்டில் பட்டது தெளிவாக தெரிந்தது.