Big Bash League: வெறும் 28 மீட்டர் தூரம் அடித்ததற்கு சிக்சர் வழங்கிய அம்பயர்

ஆஸ்திரேலியாவில் நடைப்பெற்று வரும் பிக் பாஷ் லீக் போட்டியில் வீரர் அடித்த பந்து மேற்கூரையில் பட்டதற்கு சிக்ஸர் வழங்கப்பட்ட சம்பவம் நடந்துள்ளது.

இந்தியாவில் நடக்கும் ஐபிஎல் கிரிக்கெட் தொடர் போன்று ஆஸ்திரேலியாவில் பிக் பாஷ் லீக் கிரிகெட் தொடர் ஒவ்வொரு ஆண்டும் நடக்கிறது.

அந்த வகையில் தற்போது நடந்து வரும் பிக் பாஷ் லீக் போட்டியில் மெல்போர்ன் ரினிகேட்ஸ் மற்றும் பெர்த் ஸ்கொர்சர்ஸ் அணிகளுக்கிடையே நடந்த போட்டியில் இந்த வினோத நிகழ்வு நடந்துள்ளது.

மெல்போர்ன் டொக்லாண்ட் மைதானத்தில் நடந்தது. இந்த மைதானம் முழுவதுமாக கூரையால் மூடப்பட்ட அமைப்பை கொண்டது. இங்கு நடந்த போட்டியில் பெர்த் அணி பேட்ஸ்மேன் ஆஸ்டோன் டர்னர் அடித்த பந்து மைதானத்தின் மேற்கூரையில் பட்டு, வெறும் 28 மீட்டர் தொலைவிலேயே பவுண்டரி கோட்டுக்குள் விழுந்தது.

இருப்பினும் பிக் பாஷ் லீக் விதிப்படி, பேட்ஸ்மேன் அடிக்கும் பந்து மேற்கூரையில் பந்து விழுந்தால் அதற்கு சிக்ஸர் வழங்கப்படுவது விதி என கூறி போட்டி நடுவர் சிக்ஸர் வழங்கினார்.