ரஜினி 2.0 பட தயாரிப்பு செலவை விட அதிக சொத்து மதிப்பு வைத்துள்ள கோலி - அனுஷ்கா

இந்திய கிரிக்கெட் கேப்டன் விராட் கோலிக்கும், நடிகை அனுஷ்கா சர்மாவுக்கும் நேற்று இத்தாலியில் திருமணம் நடைப்பெற்றது. மிகவும் நெருங்கிய உறவினர்கள் மட்டும் பங்கேற்ற திருமணம் பஞ்சாபி முறைப்படி நடைப்பெற்றது.

ஒரு புறம் சாதனைகளால் உலகமே திரும்பி பார்க்கும் கிரிக்கெட் வீரர் கோலி என்ற பிரபலம், மறுபுறம் பாலிவுட்டில் முன்னனி நடிகை மற்றும் மாடல் அழகி என கலக்கிக் கொண்டிருக்கும் அனுஷ்கா சர்மா தங்கள் திறமைகளால் எக்கச்சக்க சொத்துக்களை குவித்து வைத்துள்ளனர். இவர்கள் இருவரிடம் உள்ள சொத்து மதிப்பு, ரஜினிகாந்தின் 2.0 பட தயாரிப்பு செலவை விட அதிகமாக உள்ளது என தகவல் தெரிவிக்கின்றன.

அனுஷ்கா சொத்து மதிப்பு :
ஒரு படத்திற்கு சுமார் ரூ. 10 கோடி சம்பளமாக பெறும் அனுஷ்கா சர்மா, ஒரு நிறுவன விளம்பர தூதராக இருக்கு ரூ. 4 கோடி வசூல் செய்து வருகின்றார். இவரிடம் BMW, ரேஞ் ரோவர் மற்றும் மெர்சிடிஸ் உள்ளிட்ட சொகுசு கார்கள் ரூ. 36 கோடி மதிப்புக்கு இருக்கின்றன.

கடந்த 3 வருடங்களில் இவரின் சொத்து மதிப்பு 80 சதம் அதிகரித்துள்ளது. அதோடு இவர் தன் சகோதரர் கர்னேஷ் சர்மாவுடன் இணைந்து ‘கிளீன் ஸ்லேட் பிலிம்ஸ்’ என்ற தயாரிப்பு நிறுவனத்தை வைத்துள்ளார்.
இவரின் மொத்த சொத்து மதிப்பு ரூ. 220 கோடி ( $ 35 மில்லியன்) என தகவல் தெரிவிக்கின்றது.

கோலி சொத்து மதிப்பு:
கோலி கிரிக்கெட்டில் முன்னனி வீரராக இருப்பதால், அவருக்கு முதல் நிலை வீரருக்கான சம்பளம் பெருகின்றார். அதோடு பல்வேறு நிறுவன விளம்பரங்களில் நடித்து வருவதோடு, ஐபிஎல் ஏலத்தில் அதிக பணம் கொடுத்து வாங்கப்படும் வீரர்களில் முன்னிலையில் உள்ளார். இவரின் மொத்த சொத்து மதிப்பு ரூ. 382 கோடி ($60 மில்லியன்) இருக்கும் என தெரிகிறது.

இவர் ரூ. 42 கோடிக்கு முதலீடு மற்றும் கார்கள் வாங்கி வைத்துள்ளார்
கோலி ஒரு நாள் போட்டி ஒன்றில் விளையாட ரூ. 3 லட்சமும், டெஸ்ட் போட்டியில் விளையாட ரூ. 5 லட்சம், ஒரு டி20 போட்டிக்கு ரூ. 2 லட்சம் சம்பளமாக பெறுகின்றார்.

ஆண்டுக்கு ரூ. 28 கோடி வரிப்பணம் செலுத்தி வருகின்றார்.
கோலிக்கு மும்பையில் ரூ.34 கோடிக்கு கடலை பார்த்த படி 7,171 சதுர அடி பரப்பில் 34 மாடிகள் கொண்ட கட்டிடத்தை வாங்கியுள்ளார்.
அதே போல் இவர் ‘ஸ்கை பங்களா’ கட்டுமான நிறுவனத்தில் பங்குதாரராக இருக்கின்றார்.

கோலி -அனுஷ்கா கூட்டு பிஸ்னஸ் :
இவர்கள் இருவரும் சேர்ந்து ரியல் எஸ்டேட்டில் முதலீடு செய்துள்ளனர். மும்பையின் பல இடங்களில் இவர்கள் முதலீடு செய்துள்ளனர்.

இவர்களின் ஒட்டுமொத்த சொத்து மதிப்பு ரூ. 602 கோடி இருக்கும் என்றும் இது, சங்கர் இயக்கத்தில், ரஜினி நடிப்பில் உருவாகி வரும் ரோபோ 2.0 படத்தின் தயாரிப்பு செலவை விட அதிகம் என கூறப்படுகிறது.