'ஒரு போட்டியிலதான சொதப்புனாரு'...அதுக்காக உக்கார வச்சிடாதீங்க: இந்திய வீரருக்கு சோப்ரா ஆதரவு!

தென்னாப்பிரிக்காவுக்கு எதிரான முதல் ஒருநாள் போட்டியில் 297 ரன்கள் இலக்கை துரத்திக் களமிறங்கிய இந்திய அணி ஒரு கட்டத்தில் 152/2 என்ற நல்ல நிலையில் இருந்தது. இதனால், இந்தியா வெற்றிபெற்றுவிடும் என்றுதான் கருதப்பட்டது.

இதனைத் தொடர்ந்து ஷிகர் தவன் (79), விராட் கோலி (51) ஆகியோர் ஆட்டமிழந்த உடன், மிடில் வரிசை வீரர்கள் ஷ்ரேயஸ் ஐயர், ரிஷப் பந்த் போன்றவர்கள் பெரிய ஸ்கோர் அடிக்காமல் ஆட்டமிழந்தனர். குறிப்பாக, பெரிதும் எதிர்பார்க்கப்பட்ட ஷ்ரேயஸ் ஐயர் வெறும் 17 ரன்களை மட்டுமே அடித்திருந்தார். இவருக்கு அதிகமான ஷார்ட் பால்கள் போடப்பட்ட நிலையில், அதனை எதிர்கொள்ள திணறிதான் ஆட்டமிழந்தார். இதனால், அடுத்த போட்டியிலும் இவருக்கு ஷார்ட் பால்கள் அதிகம் போடப்பட்டு, விக்கெட் எடுக்க வாய்ப்பிருக்கும் என்பதால், மாற்று வீரராக சூர்யகுமார் யாதவை களமிறக்கவும் வாய்ப்புள்ளது.

‘சிக்ஸர் மழை’…காட்டடி அடித்த யூஷப் பதான்: பத்ரிநாத் டக் அவுட்...இந்தியா அபார வெற்றி!

இந்நிலையில் தற்போது பத்திரிகை ஒன்றுக்குப் பேட்டிகொடுத்துள்ள இந்திய அணி முன்னாள் வீரர் ஆகாஷ் சோப்ரா, ஷ்ரேயஸ் ஐயருக்கு ஆதரவாக பேசினார்.

சோப்ரா பேட்டி:

''ஒரு போட்டியில் சொதப்பினார் என்பதற்காக ஷ்ரேயஸ் ஐயரை உக்கார வைத்துவிட்டு சூர்யகுமார் யாதவை களமிறக்கக் கூடாது. ஷ்ரேயஸ் ஐயருக்கு நிறைய போட்டிகளில் களமிறங்க வாய்ப்பு கொடுக்க வேண்டும். அப்போதுதான் அவர் தனது திறமையை நிரூபிக்க முடியும்'' எனக் கூறினார்.

பொய் சொன்னது நீயா நானா?...'கோலிக்கு நோட்டீஸ்?'...தாதா கங்குலி அதிரடி: நிர்வாகிகள் கடும் அதிர்ச்சி!

மேலும் பேசிய அவர், ''தோல்வி வரும் போதெல்லாம் அணியை மாற்றிக்கொண்டே இருக்க கூடாது. அந்த திட்டம் எப்போதுமே வேலைக்கு ஆகாது. ஒன்னு மட்டும் நிச்சயம். அடுத்தடுத்த போட்டிகளில் ஷ்ரேயஸ் ஐயருக்கு தொடர்ந்து பவுன்சர்கள் வீசப்படும். அதனை அவர் சமாளித்துதான் ஆக வேண்டும். இல்லையென்றால், இடம் பறிபோய்விடும். சூர்யகுமார் யாதவ் முதல் போட்டியில் விளையாடவில்லை. அவர், தனது வாய்ப்புக்காக இன்னும் சில போட்டிகள்வரை காத்திருக்க வேண்டும்'' எனக் கூறினார்.