ரஜினி ஸ்டைலில், திரும்ப வந்த சூறாவளி கெய்ல்: கோலிக்கு என்ன பயமா?

இந்தியாவுக்கு எதிரான டி20 போட்டியில் விண்டீஸ் அணியில் கிறிஸ் கெய்ல் இடம்பிடித்துள்ளார்.

வரும் 9-ம் தேதி, இந்தியாவுக்கு எதிராக வெஸ்ட் இண்டீஸ் விளையாடப்போகும் 20 ஓவர் கிரிக்கெட் அணியில், அதிரடி பேட்ஸ்மேன் கிறிஸ் கெய்ல் இடம்பிடித்துள்ளார்.

விண்டீஸ் அணியின் அதிரடி மன்னன் என்றால் அது கிறிஸ் கெய்ல் தான். இவர் தன்னுடைய மோசமான பேட்டிங் மற்றும் உடலில் ஏற்பட்ட காயங்கள் காரணமாக இடையில் சிறிது காலம் விளையாடாமல் இருந்தார். அதன் பின்னர், 10வது ஐபிஎல் போட்டியில் ராயல் சேலஞ்சர்ஸ் பெங்களூரு அணியில் இடம்பிடித்து கலக்கினார். இதனால், சர்வதேச கிரிக்கெட் அரங்கில் தன்னை ஆபத்தான வீரர் என்று காட்டிக்கொண்டார்.

டி20 போட்டியில் வல்லவரான கெய்ல், ஒருநாள் மற்றும் டெஸ்ட் போட்டியைத் தவிர்த்து வந்தார். தொடர்ந்து விண்டீஸ் அணியின் டி20 போட்டியில் மட்டும் விளையாடி வந்தார். கடைசியாக கடந்தாண்டு நடந்த டி20 உலகக் கோப்பையில் விண்டீஸ் அணியில் இடம்பிடித்திருந்தார். இந்நிலையில், வெஸ்ட் இண்டீஸ் நாட்டில் சுற்றுப்பயணம் மேற்கொண்டுள்ள இந்திய அணிக்கு எதிராக டி20 போட்டியில் விளையாட விண்டீஸ் அணியில் இடம்பிடித்துள்ளார்.

கெய்ல் அணிக்கு திரும்பியது இந்திய கிரிக்கெட் அணியின் கேப்டன் கோலிக்கு ஒன்றும் பயமில்லை என்பது குறிப்பிடத்தக்கது. இரு அணிகளும் போதும் டி20 போட்டி வருகிற 9ம் தேதி ஜமைக்காவில் நடக்கயிருக்கிறது என்பது குறிப்பிடத்தக்கது.

Big-hitting batsman Chris Gayle has been recalled to the West Indies squad for the lone Twenty20 International against India on Sunday.